គោលនយោបាយស្ដីពីឯកជនភាព
អតិថិជនជាទីគោរព
យើងខ្ញុំមានសេចក្តីសោមនស្សរីករាយណាស់ដែលលោក/លោកស្រីចាប់អារម្មណ៍អំពីកិច្ចការពារទិន្នន័យ។ យើងសូមផ្តល់ជូនលោក/លោកស្រីនូវទិដ្ឋភាពទូទៅងាយស្រួលយល់អំពីការអនុវត្តដំណើរការទិន្នន័យ និងវិធានការអនុលោមភាពឯកជនភាពរបស់យើងពាក់ព័ន្ធនឹងគេហទំព័រដឹកជញ្ជូន កម្មវិធី និងសេវាពាក់ព័ន្ធរបស់យើង (ហៅរួមគ្នាថា “ភ្លែតហ្វម” ដូចខាងក្រោម)។ គោលដៅរបស់យើងគឺដើម្បីផ្តល់ជូនលោក/លោកស្រីនូវសេវាបម្រើអតិថិជនដ៏ល្អ ដោយរក្សាបានទិន្នន័យផ្ទាល់ខ្លួនរបស់លោក/លោកស្រីឱ្យមានសុវត្ថិភាព។ ទំនុកចិត្ត តម្លាភាព និងភាពស្មោះត្រង់ គឺជាគោលការណ៍ចម្បងបំផុតរបស់យើង។ ទំនុកចិត្តរបស់លោក/លោកស្រីមកលើផលិតផលរបស់យើង ជាហេតុធ្វើឱ្យយើងអាចផ្តល់ជូនលោក/លោកស្រីនូវសេវាបម្រើអតិថិជនដ៏ល្អបែបនេះ។
1. សាវតាររបស់ក្រុមហ៊ុន
យើងគឺជាក្រុមហ៊ុនដឹកជញ្ជូន Delivery Hero (Cambodia) Co., Ltd. (“យើង”, “ចំពោះយើង” ឬ “របស់យើង”) ប៉ុន្តែជាធម្មតាយើងប្រើតែឈ្មោះ foodpanda Cambodia ប៉ុណ្ណោះ។
ពាក់ព័ន្ធនឹងសកម្មភាពដំណើរការដែលបានអនុវត្តនៅលើភ្លែតហ្វមរបស់យើង យើងគឺជាអ្នកគ្រប់គ្រងទិន្នន័យដែលទទួលខុសត្រូវចំពោះសុវត្ថិភាពនៃទិន្នន័យផ្ទាល់ខ្លួនរបស់លោក/លោកស្រី។ “អ្នកគ្រប់គ្រងទិន្នន័យ” គឺជាបច្ចេកសព្ទច្បាប់ ហើយមានន័យថា យើងគឺជាភាគីដែលកំណត់វិធីសាស្រ្តនៃដំណើរការទិន្នន័យផ្ទាល់ខ្លួនរបស់លោក/លោកស្រីថាតើសម្រាប់គោលបំណងអ្វី និងត្រូវប្រើមធ្យោបាយបែបណា។ ទោះបីជាច្បាប់កំណត់ឱ្យយើង ផ្តល់ជូនលោក/លោកស្រីនូវព័ត៌មាន ទាំងអស់ដូចខាងក្រោមក្ដី ក៏យើងធ្វើឡើងដោយមានជំនឿថា ភាពជាដៃគូគួរតែមានភាពស្មោះត្រង់ជានិច្ច។
ប្រសិនបើលោក/លោកស្រីមានសំណួរណាមួយពាក់ព័ន្ធនឹងការការពារទិន្នន័យនៅ foodpanda លោក/លោកស្រីអាចទាក់ទងទៅមន្ត្រីផ្នែកការពារទិន្នន័យរបស់យើងបានគ្រប់ពេលវេលា តាមរយៈការផ្ញើអ៊ីមែលទៅកាន់ dataprotection@foodpanda.kh ។
យើងជាសមាជិកនៃគ្រុប Delivery Hero Group ផងដែរ។ ក្នុងនាមជាសមាជិក យើងបានរួមគ្នាធ្វើការសម្រេចចិត្តមួយចំនួន។ ទាំងក្រុមហ៊ុនមេរបស់យើងគឺ Delivery Hero SE, Oranienburger Straße 70, 10117 Berlin និង foodpanda Cambodia បានរួមគ្នាធ្វើការសម្រេចចិត្តមួយចំនួន ដែលមានន័យថាយើងនឹងដំណើរការទិន្នន័យផ្ទាល់ខ្លួនរបស់លោក/លោកស្រី និងប្រើប្រាស់ទិន្នន័យទាំងនេះសម្រាប់គោលបំណងណាមួយដែលយើងយល់ថាសមស្រប។ តាមផ្លូវច្បាប់ ដំណើរការនេះគឺមានន័យថា ក្រុមហ៊ុន foodpanda Cambodia និង ក្រុមហ៊ុន Delivery Hero SE នឹងធ្វើការទទួលខុសត្រូវរួមគ្នាផងដែរចំពោះសកម្មភាពដំណើរការទិន្នន័យរួមគ្នាទាំងនេះ ហើយ លោក/លោកស្រីអាចប្រើប្រាស់សិទ្ធិរបស់លោក/លោកស្រីចំពោះភាគីទាំងពីរពាក់ព័ន្ធនឹងសកម្មភាពដំណើរការដូចមានរៀបរាប់នៅក្នុងគោលនយោបាយស្ដីពីឯកជនភាពនេះ។
ក្រុមហ៊ុន Delivery Hero (Cambodia) Co., Ltd. (“យើង”, “ចំពោះយើង” ឬ “របស់យើង”) នឹងបន្តដើរតួជាមជ្ឈមណ្ឌលទំនាក់ទំនងរបស់លោក/លោកស្រី ក្នុងករណីលោក/លោកស្រីមានសំណួរណាមួយពាក់ព័ន្ធនឹងការការពារទិន្នន័យ។
នៅពេលចូលមើលភ្លែតហ្វមរបស់យើង ចុះឈ្មោះប្រើប្រាស់ ឬដាក់ការបញ្ជាទិញ គឺមានន័យថា លោក/លោកស្រីយល់ព្រមចំពោះគោលនយោបាយស្ដីពីឯកជនភាពនេះ។ គោលនយោបាយស្ដីពីឯកជនភាពនេះអនុវត្តចំពោះទិន្នន័យផ្ទាល់ខ្លួនទាំងអស់ដែលទទួលបានដោយយើងតាមរយៈការប្រើប្រាស់ភ្លែតហ្វមរបស់យើង។ គោលនយោបាយនេះមិនអនុវត្តចំពោះគេហទំព័រណាមួយដែលគ្រប់គ្រងដោយភាគីទីបីពុំមានទំនាក់ទំនងជាមួយយើង ដែលភ្លែតហ្វមរបស់យើងអាចភ្ជាប់ជាមួយឡើយ (“គេហទំព័រភាគីទីបី”)។ គោលនយោបាយស្ដីពីឯកជនភាពពាក់ព័ន្ធដែលមានចែងក្នុងគេហទំព័រភាគីទីបីនីមួយៗត្រូវអនុវត្តសម្រាប់ករណីទាំងនោះ។
2. ឯកជនភាពគឺជាសិទ្ធិរបស់លោក/លោកស្រី ដោយលោក/លោកស្រីមានសិទ្ធិជ្រើសរើស
ក្នុងនាមជាអតិថិជន លោក/លោកស្រីអាចជ្រើសថាតើព័ត៌មានណាមួយ ដែលលោក/លោកស្រីចង់ចែករំលែកជាមួយយើង។ ទោះបីយ៉ាងណា សូមបញ្ជាក់ថា នៅពេលចុះឈ្មោះចូលប្រើប្រាស់ភ្លែតហ្វមរបស់យើង លោក/លោកស្រីត្រូវបានតម្រូវឱ្យទទួលយកលក្ខខណ្ឌប្រើប្រាស់របស់យើង។ និយាយតាមផ្លូវច្បាប់ លក្ខខណ្ឌនេះគឺមានន័យថា លោក/លោកស្រីត្រូវចុះកិច្ចសន្យាជាមួយយើង ដែលនៅក្នុងកិច្ចសន្យានេះលោក/លោកស្រីមានសិទ្ធិប្រើប្រាស់ភ្លែតហ្វមនេះស្របតាមលក្ខខណ្ឌនៃការប្រើប្រាស់។ ជាការពិតណាស់ យើងត្រូវការព័ត៌មានមួយចំនួនរបស់លោក/លោកស្រី ដើម្បីអាចអនុវត្តកាតព្វកិច្ចរបស់យើងស្របតាមកិច្ចសន្យានេះ។ ទោះបីយ៉ាងណា លោក/លោកស្រីមានសិទ្ធិទាំងស្រុងក្នុងការជ្រើសរើសថាតើលោក/លោកស្រីចង់ផ្តល់ព័ត៌មានទាំងនេះ ឬក៏មិនចង់ប្រើភ្លែតហ្វមរបស់យើង។
លោក/លោកស្រីអាចអនុវត្តតាមជំហានខាងក្រោមដើម្បីត្រួតពិនិត្យ និងគ្រប់គ្រងចំនួនទិន្នន័យផ្ទាល់ខ្លួនដែលលោក/លោកស្រីបានធ្វើការចែករំលែកជាមួយយើង៖
ខូឃី (cookies) & ការតាមដានគេហទំព័រ៖ លោក/លោកស្រីអាចកំណត់ឧបករណ៍ ឬកម្មវិធី web browser របស់លោក/លោកស្រីក្នុងការបដិសេធប្រើប្រាស់ខូឃី (cookies) និងបច្ចេកវិទ្យាតាមដានគេហទំព័រផ្សេងៗទៀត (ដែលអាចធ្វើទៅបានតាមរយៈអ្នកគ្រប់គ្រងការយល់ព្រមរបស់យើងផងដែរ) ។ ប្រសិនបើលោក/លោកស្រីបិទដំណើរការកម្មវិធីតាមដានគេហទំព័រ នោះលោក/លោកស្រីនឹងលែងឃើញមាតិកា ការផ្តល់ជូន ឬការផ្សព្វផ្សាយពាណិជ្ជកម្មលក្ខណៈផ្ទាល់ខ្លួនទៀតហើយ។
ការធ្វើទីផ្សារដោយផ្ទាល់៖ ប្រសិនបើលោក/លោកស្រីមិនចង់ទទួលព្រឹត្តិបត្រព័ត៌មានរបស់យើងទេ នោះលោក/លោកស្រីអាចបោះបង់ចោលការទិញជាប្រចាំ (unsubscribe) នៅពេលណាក៏បាន។ នៅក្នុងករណីនេះ យើងនឹងមិនអាចផ្ញើជូនលោក/លោកស្រីនូវការផ្តល់ជូនពិសេសណាមួយឡើយ។
លោក/លោកស្រីក៏អាចលុបចោលការយល់ព្រមចំពោះដំណើរការទិន្នន័យផ្ទាល់ខ្លួនរបស់លោក/លោកស្រីសម្រាប់គោលបំណងជាក់លាក់ណាមួយ (ឧទាហរណ៍ ការធ្វើទីផ្សារ) ដោយដាក់សំណើរបស់លោក/លោកស្រីតាមរយៈអ៊ីមែលទៅកាន់ dataprotection@foodpanda.kh ។
3. សិទ្ធិស្របច្បាប់របស់លោក/លោកស្រី
សិទ្ធិចូលមើលព័ត៌មាន
លោក/លោកស្រីមានសិទ្ធិចូលមើលព័ត៌មានណាមួយរបស់លោក/លោកស្រីដែលយើងរក្សាទុក និងរបៀបដែលយើងដំណើរការទិន្នន័យទាំងនេះ។
សិទ្ធិធ្វើការកែតម្រូវព័ត៌មាន
ប្រសិនបើលោក/លោកស្រីសម្គាល់ឃើញថាទិន្នន័យដែលបានរក្សាទុកជាទិន្នន័យដែលមិនត្រឹមត្រូវ លោក/លោកស្រីអាចស្នើឱ្យយើងកែតម្រូវព័ត៌មានទាំងនោះនៅពេលណាក៏បាន។
សិទ្ធិលុបចោលការយល់ព្រមចំពោះដំណើរការទិន្នន័យផ្ទាល់ខ្លួន
លោក/លោកស្រីអាចលុបចោលការយល់ព្រមចំពោះការប្រមូល ការប្រើប្រាស់ និងការបង្ហាញទិន្នន័យផ្ទាល់ខ្លួនរបស់លោក/លោកស្រីនៅពេលណាក៏បាន សម្រាប់គោលបំណងណាមួយ ឬទាំងអស់។ នៅពេលទទួលបានសំណើលុបចោលការយល់ព្រមរបស់លោក/លោកស្រី យើងអាចត្រូវការពេលវេលាសមស្រប (អាស្រ័យលើភាពស្មុគស្មាញនៃសំណើ និងការប៉ះពាល់នៃការលុបចោលនោះទៅលើទំនាក់ទំនងរបស់យើងជាមួយលោក/លោកស្រី) ដើម្បីដំណើរការសំណើរបស់លោក/លោកស្រី និងដើម្បីយើងអាចជូនដំណឹងដល់លោក/លោកស្រីអំពីផលវិបាកនៅពេលដែលយើងយល់ព្រមចំពោះសំណើនេះ ដោយរាប់បញ្ចូលទាំង ផលវិបាកផ្នែកផ្លូវច្បាប់ដែលអាចប៉ះពាល់ដល់សិទ្ធិ និងការទទួលខុសត្រូវរបស់លោក/លោកស្រីចំពោះយើង។ សូមបញ្ជាក់ថា អាស្រ័យលើលក្ខណៈ និងវិសាលភាពនៃសំណើរបស់លោក/លោកស្រី យើងនឹងមិនអាចបន្តផ្តល់សេវារបស់យើងដល់លោក/លោកស្រីបានឡើយ ហើយនៅក្នុងករណីនេះ យើងនឹងជូនដំណឹងដល់លោក/លោកស្រី មុនការបញ្ចប់នៃដំណើរការសំណើរបស់លោក/លោកស្រី។
ដើម្បីអនុវត្តសិទ្ធិនេះ លោក/លោកស្រីអាចផ្ញើសំណើរបស់លោក/លោកស្រីតាមរយៈអ៊ីមែលទៅកាន់ dataprotection@foodpanda.kh នៅពេលណាក៏បាន ហើយយើងនឹងដំណើរការសំណើទាំងនោះដោយអនុលោមតាមគោលនយោបាយស្ដីពីឯកជនភាពនេះ និងកាតព្វកិច្ចរបស់យើងស្របតាមច្បាប់ជាធរមាន។
យើងអាចនឹងធ្វើការគិតថ្លៃសេវាពីលោក/លោកស្រីសម្រាប់ការចាត់ចែង និងដំណើរការសំណើរបស់លោក/លោកស្រីដើម្បីឱ្យលោក/លោកស្រីចូលប្រើទិន្នន័យផ្ទាល់ខ្លួន និងធ្វើការជូនដំណឹងដល់លោក/លោកស្រីជាមុនអំពីចំនួនទឹកប្រាក់ដែលត្រូវបង់។
លោក/លោកស្រីក៏អាចលុបគណនីរបស់លោក/លោកស្រីតាមរយៈរូបតំណាង (“ប្រូហ្វាល”) អ្នកប្រើប្រាស់របស់លោក/លោកស្រីនៅលើភ្លែតហ្វមរបស់យើងផងដែរ។
4. ទិដ្ឋភាពទូទៅនៃទិន្នន័យផ្ទាល់ខ្លួនដែលយើងដំណើរការ
នៅក្នុងផ្នែកនេះ លោក/លោកស្រីអាចស្វែងរកព័ត៌មានទូទៅអំពីប្រភេទផ្សេងៗនៃទិន្នន័យផ្ទាល់ខ្លួនដែលយើងដំណើរការអំពីលោក/លោកស្រី។ សូមបញ្ជាក់ថា ទិន្នន័យផ្ទាល់ខ្លួនគឺជាព័ត៌មានដែលបង្ហាញរបស់លោក/លោកស្រីដោយផ្ទាល់ (ដូចជា ឈ្មោះ ឬរូបថតរបស់លោក/លោកស្រី) ឬអាចឱ្យយើងកំណត់អត្តសញ្ញាណរបស់លោក/លោកស្រីដោយប្រយោល (ដូចជា ផ្អែកលើលេខសម្គាល់អ្នកប្រើប្រាស់ដែលភ្ជាប់ជាមួយព័ត៌មានផ្ទាល់ខ្លួននៅក្នុងប្រូហ្វាល របស់លោក/លោកស្រី)។
លោក/លោកស្រីនឹងឃើញព័ត៌មានលម្អិតបន្ថែមអំពីសកម្មភាពដំណើរការរបស់យើងដូចខាងក្រោម នៅផ្នែកបន្ទាប់។ ប៉ុន្តែសកម្មភាពដំណើរការទិន្នន័យរបស់យើងនៅលើភ្លែតហ្វមនេះអាចធ្វើការ សង្ខេបដោយយោងតាមប្រភេទទិន្នន័យផ្ទាល់ខ្លួនសំខាន់ៗ៖
ក. ទិន្នន័យប្រូហ្វាល (ទិន្នន័យមេ)
ទិន្នន័យប្រូហ្វាល រួមមានឈ្មោះ អាសយដ្ឋានអ៊ីមែល លេខសម្ងាត់ លេខទូរស័ព្ទ អាសយដ្ឋានដឹកជញ្ជូន ចំណាប់អារម្មណ៍ អាយុ។
ហេតុអ្វីបានជាយើងដំណើរការទិន្នន័យប្រភេទនេះ?
ទិន្នន័យនេះគឺជាទិន្នន័យមេរបស់លោក/លោកស្រី ដែលយើងត្រូវការជាចាំបាច់សម្រាប់ការផ្ដល់សេវារបស់យើង។ ប្រសិនបើគ្មានអាសយដ្ឋានអ៊ីមែល/លេខទូរស័ព្ទ និងលេខកូដសម្ងាត់ នោះលោក/លោកស្រីមិនអាចបង្កើតប្រូហ្វាលបានឡើយ។ ទិន្និន័យមេ គឺជាទិន្នន័យដែលមានភ្ជាប់ជាមួយនឹងឈ្មោះរបស់លោក/លោកស្រី ។ យើងត្រូវការព័ត៌មានអំពីអាយុរបស់លោក/លោកស្រី ដើម្បីធានាថាលោក/លោកស្រីមិនមែនជាអនីតិជន។
ខ. ទិន្នន័យដឹកជញ្ជូន
ទិន្នន័យនេះរួមមានឈ្មោះ អាសយដ្ឋានដឹកជញ្ជូន លេខទូរស័ព្ទ ព័ត៌មានលម្អិតអំពីការបញ្ជាទិញ និងលេខសម្គាល់ការបញ្ជាទិញរបស់លោក/លោកស្រី។ ប្រសិនបើលោក/លោកស្រីកំពុងប្រើប្រាស់សេវាអ្នកដឹកជញ្ជូន pandasend របស់យើង (“pandasend”) នោះព័ត៌មាននេះមានទាំងឈ្មោះរបស់អ្នកផ្ញើ ព្រមទាំងឈ្មោះ អាសយដ្ឋានទទួល/ដឹកជញ្ជូន និងព័ត៌មានទំនាក់ទំនងរបស់អ្នកទទួលផងដែរ។
ហេតុអ្វីបានជាយើងដំណើរការទិន្នន័យប្រភេទនេះ?
ដោយអនុលោមតាមគោលការណ៍នៃការកាត់បន្ថយទិន្នន័យ យើងផ្តល់ជូនតែអ្នកដឹកជញ្ជូន ហាងលក់ទំនិញ និងភោជនីយដ្ឋានរបស់យើង (តាមករណីនីមួយៗ) ត្រឹមតែព័ត៌មានដែលពួកគេត្រូវការអំពីលោក/លោកស្រី ដើម្បីរៀបចំ និងដឹកជញ្ជូនទំនិញនៃការបញ្ជាទិញរបស់លោក/លោកស្រីតែប៉ុណ្ណោះ ឬដើម្បីផ្តល់សេវាដែលលោក/លោកស្រីបានស្នើសុំ។
គ. ទិន្នន័យប្រវត្តិបញ្ជាទិញ
ទិន្នន័យនេះរួមមានប្រវត្តិបញ្ជាទិញរបស់លោក/លោកស្រី ហាងលក់ទំនិញ ឬភោជនីយដ្ឋានដែលបានជ្រើសរើស (តាមករណីនីមួយៗ) វិក្កយបត្រ លេខសម្គាល់ការបញ្ជាទិញ មតិយោបល់លើការបញ្ជាទិញ ព័ត៌មានអំពីរបៀបទូទាត់ប្រាក់ អាសយដ្ឋានដឹកជញ្ជូន ការបញ្ជាទិញជោគជ័យ និងការបញ្ជាទិញដែលបានលុបចោល។
ហេតុអ្វីបានជាយើងដំណើរការទិន្នន័យប្រភេទនេះ?
រៀងរាល់ពេលដែលលោក/លោកស្រីធ្វើការបញ្ជាទិញ ព័ត៌មាននេះនឹងត្រូវបញ្ចូលទៅក្នុងប្រូហ្វាលរបស់លោក/លោកស្រី។ លោក/លោកស្រីអាចមើលព័ត៌មានទាំងអស់នេះនៅក្នុងប្រូហ្វាលរបស់លោក/លោកស្រីបានគ្រប់ពេលវេលា។ យើងនឹងប្រើប្រាស់ព័ត៌មាននេះដើម្បីកែលម្អសេវារបស់យើង និងបង្កើនប្រសិទ្ធភាពភ្លែតហ្វមដើម្បីលោក/លោកស្រីទទួលបានសេវាកាន់តែល្អប្រសើរ។
ឃ. ទិន្នន័យអំពីទីតាំង
ទិន្នន័យនេះរួមមានអាសយដ្ឋាន លេខកូដប្រៃសណីយ៍ ទីក្រុង ប្រទេស ព្រមទាំងរយៈបណ្តោយ និងរយៈទទឹងនៃឧបករណ៍របស់លោក/លោកស្រី។
ហេតុអ្វីបានជាយើងដំណើរការទិន្នន័យប្រភេទនេះ?
យើងត្រូវការទិន្នន័យទាំងនេះ ដើម្បីអាចដឹកជញ្ជូនទំនិញបញ្ជាទិញរបស់លោក/លោកស្រី (ឬដើម្បីឱ្យភោជនីយដ្ឋាន ឬហាងដែលលោក/លោកស្រីបានបញ្ជាទិញធ្វើការដឹកជញ្ជូនទំនិញជូនលោក/លោកស្រី)។ យើងបង្កើតរយៈបណ្តោយ និងរយៈទទឹងដោយស្វ័យប្រវត្តិ ដើម្បីអាចដំណើរការអាសយដ្ឋានដឹកជញ្ជូនរបស់លោក/លោកស្រីនៅក្នុងប្រព័ន្ធភ្ជាប់ផ្សេងទៀតរបស់យើង ដូចជា ភ្លែតហ្វមអ្នកដឹកជញ្ជូនរបស់យើង និងដើម្បីបង្ហាញអាសយដ្ឋានរបស់លោក/លោកស្រីទៅដល់អ្នកដឹកជញ្ជូនរបស់យើង ឬអ្នកដឹកជញ្ជូនរបស់ភោជនីយដ្ឋាន។
ង. ព័ត៌មានអំពីឧបករណ៍ និងទិន្នន័យចូលប្រើប្រាស់
ទិន្នន័យនេះរួមមានលេខសម្គាល់ឧបករណ៍របស់លោក/លោកស្រី អត្តសញ្ញាណឧបករណ៍ ប្រព័ន្ធប្រតិបត្តិការ និងកំណែដែលត្រូវគ្នា ពេលវេលាចូលប្រើប្រាស់ ការកំណត់រចនាសម្ព័ន្ធ ក៏ដូចជា អាសយដ្ឋាន IP របស់លោក/លោកស្រីផងដែរ។
ហេតុអ្វីបានជាយើងដំណើរការទិន្នន័យប្រភេទនេះ?
រៀងរាល់ពេលដែលលោក/លោកស្រីចូលប្រើប្រាស់ភ្លែតហ្វមរបស់យើង នោះយើងនឹងរក្សាទុកនូវព័ត៌មានទាំងនេះសម្រាប់មូលហេតុបច្ចេកទេស។ យើងក៏ប្រើប្រាស់ផ្នែកមួយចំនួននៃព័ត៌មាននេះ ដើម្បីតាមដានករណីមិនប្រក្រតីដែលគួរឱ្យសង្ស័យឱ្យបានទាន់ពេលវេលា និងដើម្បីការពារភ្លែតហ្វមរបស់យើង។
ច. ទិន្នន័យអំពីការថែរក្សាអតិថិជន
ទិន្នន័យនេះរួមមានឈ្មោះ អាសយដ្ឋាន លេខទូរស័ព្ទ អាសយដ្ឋានអ៊ីមែល និងអត្តសញ្ញាណប័ណ្ណរបស់លោក/លោកស្រីពីបណ្ដាញសង្គមណាមួយ (ប្រសិនបើពាក់ព័ន្ធ)។
ហេតុអ្វីបានជាយើងដំណើរការទិន្នន័យប្រភេទនេះ?
ប្រសិនបើលោក/លោកស្រីទាក់ទងមកយើង នោះយើងនឹងប្រមូលទិន្នន័យនេះ ព្រោះយើងត្រូវការដឹងថាតើយើងកំពុងនិយាយជាមួយនរណា និងប្រធានបទដែលយើងកំពុងនិយាយ ដើម្បីឱ្យយើងអាចជួយលោក/លោកស្រីពាក់ព័ន្ធនឹងគោលបំណងដែលលោក/លោកស្រីទាក់ទងមកយើងខ្ញុំ។ ដំណើរការនេះក៏អនុវត្តផងដែរ ប្រសិនបើលោក/លោកស្រីធ្វើការបញ្ចេញមតិយោបល់នៅលើបណ្ដាញសង្គមនៅលើទំព័រសម្រាប់អ្នកគាំទ្ររបស់យើង។ យើងមិនដាក់បញ្ចូលទិន្នន័យនេះជាមួយទិន្នន័យប្រូហ្វាលរបស់លោក/លោកស្រីនៅលើភ្លែតហ្វមរបស់យើងឡើយ ប៉ុន្តែយើងនៅតែអាចកំណត់អត្តសញ្ញាណរបស់លោក/លោកស្រីតាមរយៈលេខសម្គាល់បណ្ដាញសង្គមរបស់លោក/លោកស្រី។
ឆ. ទិន្នន័យអំពីទំនាក់ទំនង និងការផ្សព្វផ្សាយទីផ្សារ
ទិន្នន័យនេះរួមមាន ឈ្មោះ អាសយដ្ឋានអ៊ីមែល លេខទូរស័ព្ទ និងលេខសម្គាល់ឧបករណ៍របស់លោក/លោកស្រី។
ហេតុអ្វីបានជាយើងដំណើរការទិន្នន័យប្រភេទនេះ?
ប្រសិនបើលោក/លោកស្រីចង់ទទួលបានព្រឹត្តិបត្រអ៊ីមែល សារ ឬការជូនដំណឹងជំរុញក្នុងកម្មវិធី ពីយើងខ្ញុំ នោះយើងត្រូវការព័ត៌មានជាក់លាក់ដើម្បីផ្ញើសារមកលោក/លោកស្រី។ ជំនួសឱ្យការនិយាយទៅកាន់លោក/លោកស្រីដោយពាក្យថា “ជម្រាបសួរ” យើងយល់ថា ការសន្ទនាដោយប្រើឈ្មោះរបស់លោក/លោកស្រី គឺជាការសន្ទនាជាមួយអតិថិជនដែលប្រកបដោយភាពស្និទ្ធស្នាល។ យើងក៏ប្រើប្រាស់ប្រភេទផ្សេងៗនៃទិន្នន័យផ្ទាល់ខ្លួននេះដើម្បីទាក់ទងទៅលោក/លោកស្រីផងដែរ ដូចជា ប្រសិនបើផលិតផលមិនអាចដឹកជញ្ជូនបាន ហើយយើងចង់ផ្តល់ឱ្យលោក/លោកស្រីនូវផលិតផលជំនួសផ្សេងទៀត។
ជ. ទិន្នន័យអំពីការទូទាត់ប្រាក់
ទិន្នន័យនេះរួមមាន វិធីសាស្រ្តទូទាត់របស់លោក/លោកស្រី និងព័ត៌មានកាតឥណទានដែលបាន encrypted, pseudonymized។
ហេតុអ្វីបានជាយើងដំណើរការទិន្នន័យប្រភេទនេះ?
យើងត្រូវការព័ត៌មាននេះ ដើម្បីចាប់ផ្ដើមការទូទាត់ប្រាក់របស់លោក/លោកស្រី និងកំណត់ការទូទាត់ទាំងនេះទៅតាមការបញ្ជាទិញដែលលោក/លោកស្រីបានដាក់។ យើងក៏ត្រូវការទិន្នន័យនេះផងដែរ ដើម្បីរក្សាទុកព័ត៌មានការទូទាត់របស់លោក/លោកស្រីសម្រាប់ការបញ្ជាទិញលើកក្រោយ (ប្រសិនបើលោក/លោកស្រីយល់ព្រមឱ្យយើងធ្វើការរក្សាទុក)។
5. សកម្មភាពដំណើរការលម្អិត និងគោលបំណងនៃដំណើរការរបស់យើង
យើងដំណើរការទិន្នន័យផ្ទាល់ខ្លួនរបស់លោក/លោកស្រីដោយអនុលោមទៅតាមច្បាប់ស្ដីពីការការពារទិន្នន័យដែលពាក់ព័ន្ធប៉ុណ្ណោះ។ យើងយកចិត្តទុកដាក់ជាពិសេសដោយគិតគូរអំពីគោលការណ៍ សម្រាប់ដំណើរការទិន្នន័យផ្ទាល់ខ្លួន។ ដូច្នេះ យើងដំណើរការតែទិន្នន័យរបស់លោក/លោកស្រី ប្រសិនបើស្របតាមច្បាប់ ហើយលោក/លោកស្រីអាចរំពឹងថាទិន្នន័យនេះនឹងត្រូវដំណើរការដោយមានមូលហេតុត្រឹមត្រូវ។
ដើម្បីផ្ដល់សេវាជូនលោក/លោកស្រី យើងចាំបាច់ត្រូវដំណើរការទិន្នន័យផ្ទាល់ខ្លួនរបស់លោក/លោកស្រី។ លោក/លោកស្រីផ្តល់ឱ្យយើងនូវទិន្នន័យមួយចំនួនជាមុន តាមរយៈការបញ្ចូលទិន្នន័យនៅលើឧបករណ៍របស់លោក/លោកស្រី។ ទិន្នន័យផ្សេងទៀតដែលយើងប្រមូលបានដោយស្វ័យប្រវត្តិនៅពេលលោក/លោកស្រីកំពុងប្រើប្រាស់ភ្លែតហ្វមរបស់យើង។
យើងដំណើរការទិន្នន័យផ្ទាល់ខ្លួនរបស់លោក/លោកស្រីសម្រាប់គោលបំណងដូចខាងក្រោម (“គោលបំណង”)៖
I. ការបង្កើត និងដំណើរការគណនីរបស់លោក/លោកស្រី ការដឹកជញ្ជូនទំនិញតាមការបញ្ជាទិញរបស់លោក/លោកស្រី
ក. ការបង្កើតគណនី
នៅពេលបង្កើតគណនីអតិថិជន លោក/លោកស្រីនឹងត្រូវស្នើឱ្យបញ្ចូលទិន្នន័យមេរបស់លោក/លោកស្រី។ ការបញ្ចូលទិន្នន័យនេះពិតជាចាំបាច់ ដោយសារយើងមិនអាចបង្កើតប្រូហ្វាល អតិថិជនដោយគ្មានទិន្នន័យនេះបានឡើយ។ អាសយដ្ឋានអ៊ីមែល និងលេខទូរស័ព្ទរបស់លោក/លោកស្រីមានសារៈសំខាន់ខ្លាំង ដោយសារយើងអាចប្រើព័ត៌មាននេះដើម្បីកំណត់អត្តសញ្ញាណរបស់លោក/លោកស្រីនៅក្នុងប្រព័ន្ធរបស់យើងនាពេលបន្ទាប់ដែលលោក/លោកស្រីចង់ចូលកម្មវិធីម្តងទៀត។ ជាងនេះទៅទៀត យើងចង់ស្នើឱ្យលោក/លោកស្រីជ្រើសរើសលេខកូដសម្ងាត់របស់លោក/លោកស្រីដោយប្រុងប្រយ័ត្ន។ សូមកុំប្រើលេខកូដសម្ងាត់ដូចគ្នានៅលើគេហទំព័រច្រើន។ លេខកូដសម្ងាត់របស់លោក/លោកស្រីគួរមានយ៉ាងតិច 12 តួរអក្សរ ដោយមានអក្សរតូចយ៉ាងតិចមួយ អក្សរធំមួយ តួអក្សរពិសេសមួយ (!?#,%& ។ល។) និងលេខចំនួនមួយខ្ទង់។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានអំពីឧបករណ៍ និងទិន្នន័យចូលប្រើប្រាស់
ខ. ការចូលគណនីដែលមានស្រាប់
ប្រសិនបើលោក/លោកស្រីមានគណនីអតិថិជនរួចហើយ នោះលោក/លោកស្រីនឹងត្រូវបញ្ចូលអាសយដ្ឋានអ៊ីមែល និងលេខកូដសម្ងាត់របស់លោក/លោកស្រីដើម្បីចូលក្នុងគណនីនេះ។ ប្រសិនបើយើងរកឃើញភាពមិនប្រក្រតីនៅពេលចុះឈ្មោះ ដូចជាការបញ្ចូលលេខកូដសម្ងាត់ខុសច្រើនដង នោះយើងនឹងចាត់វិធានការសមស្របដើម្បីការពារការខូចខាតចំពោះលោក/លោកស្រី និងចំពោះយើងខ្ញុំ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
គ. ការចូល Single Sign-on តាមរយៈ Facebook
ប្រសិនបើលោក/លោកស្រីមានប្រូហ្វាល Facebook លោក/លោកស្រីអាចចុះឈ្មោះបើកគណនីអតិថិជននៅលើគេហទំព័រ ឬកម្មវិធីរបស់យើងដោយប្រើកម្មវិធីតាមបណ្ដាញសង្គម “Facebook Connect” នៃបណ្តាញសង្គម Facebook ដែលដំណើរការដោយ Meta Platforms, Inc. តាមរយៈ បច្ចេកវិទ្យា Single Sign-on។ លោក/លោកស្រីអាចស្គាល់កម្មវិធីតាមបណ្ដាញសង្គម “Facebook Connect” នៅលើគេហទំព័រ ឬកម្មវិធីរបស់យើង តាមរយៈប៊ូតុងពណ៌ខៀវដែលមានរូបសញ្ញា Facebook និងអក្សរចារឹក “Continue with Facebook” ។
ដោយប្រើប៊ូតុង “Facebook Connect” នេះនៅលើគេហទំព័រ ឬកម្មវិធីរបស់យើង លោក/លោកស្រីក៏អាចចូល ឬចុះឈ្មោះនៅលើគេហទំព័រ ឬកម្មវិធីរបស់យើងដោយប្រើទិន្នន័យអ្នកប្រើប្រាស់ Facebook របស់លោក/លោកស្រីផងដែរ។ លុះត្រាតែលោក/លោកស្រីផ្តល់ការយល់ព្រមភ្លាមៗនៅមុនដំណើរការចុះឈ្មោះដោយផ្អែកលើកំណត់សម្គាល់ដែលត្រូវគ្នាអំពីការផ្លាស់ប្តូរទិន្នន័យជាមួយ Facebook ទើបយើងទទួលបាននូវព័ត៌មានទូទៅ និងដែលអាចបើកមើលបានជាសាធារណៈដែលរក្សាទុកនៅក្នុងប្រូហ្វាលរបស់លោក/លោកស្រី នៅពេលចុចប៊ូតុង “Facebook Connect” នៅលើ Facebook ដោយផ្អែកលើការកំណត់ការការពារទិន្នន័យផ្ទាល់ខ្លួនរបស់លោក/លោកស្រីនៅលើ Facebook។ ព័ត៌មាននេះរួមមានលេខសម្គាល់ ឈ្មោះ រូបភាពប្រូហ្វាល អាយុ និងភេទរបស់អ្នកប្រើប្រាស់។
ព័ត៌មានបន្ថែមអំពីការចូលនៅក្នុងទំព័រ Facebook សូមបើកមើល៖ https://www.facebook.com/privacy/explanation។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានប្រូហ្វាល Facebook
ឃ. ការចូល Single Sign-on តាមរយៈ Google
ប្រសិនបើលោក/លោកស្រីមានគណនីជាមួយ Google នោះលោក/លោកស្រីអាចប្រើគណនីនេះដើម្បីចូលប្រើប្រាស់សេវារបស់យើង។ គណនី Google សម្រាប់លោក/លោកស្រីប្រើប្រាស់នៅតំបន់អឺរ៉ុបត្រូវបានផ្តល់ដោយក្រុមហ៊ុន Google Ireland Ltd, Gordon House, Barrow Street, Dublin 4, Ireland (“Google Ireland”) ដែលជាក្រុមហ៊ុនបុត្រសម្ព័ន្ធរបស់ Google LLC, 1600 Amphitheatre Parkway, Mountain View, CA 94043 (“Google”)។
តាមរយៈការចុចប៊ូតុង “Continue with Google” នៅលើគេហទំព័រ ឬកម្មវិធីរបស់យើង លោក/លោកស្រីអាចចូល ឬចុះឈ្មោះនៅលើគេហទំព័រ ឬកម្មវិធីរបស់យើងដោយប្រើទិន្នន័យអ្នកប្រើប្រាស់ Google របស់លោក/លោកស្រី។ លុះត្រាតែលោក/លោកស្រីផ្តល់ការយល់ព្រមភ្លាមៗនៅមុនដំណើរការចុះឈ្មោះដោយផ្អែកលើកំណត់សម្គាល់ដែលត្រូវគ្នាអំពីការផ្លាស់ប្តូរទិន្នន័យជាមួយ Google ទើបយើងទទួលលេខសម្គាល់អ្នកប្រើប្រាស់ Google ឈ្មោះអ្នកប្រើប្រាស់ និងអាសយដ្ឋានអ៊ីមែលរបស់លោក/លោកស្រី។ យើងនឹងមិនទទួលបានលេខកូដសម្ងាត់ Google របស់លោក/លោកស្រីទេ ហើយក៏មិនអាចចូលទៅក្នុងគណនី Google របស់លោក/លោកស្រីបានដែរ។ លោក/លោកស្រីអាចស្វែងយល់បន្ថែមអំពីការចែករំលែកទិន្នន័យជាមួយ Google នៅពេលចុះឈ្មោះចូលប្រើប្រាស់សេវារបស់យើងតាមរយៈ Google ដោយពិនិត្យមើលសេចក្ដីពន្យល់របស់ Google នៅត្រង់នេះ៖ https://support.google.com/accounts/answer/112802។
ទិន្នន័យដែលក្រុមហ៊ុន Google បានបានបញ្ជូនមក ត្រូវបានរក្សាទុក និងដំណើរការដោយពួកយើងតែប៉ុណ្ណោះដើម្បីបង្កើតគណនីអ្នកប្រើប្រាស់ដែលមានទិន្នន័យចាំបាច់។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានទំនាក់ទំនង
Google ID និងទិន្នន័យគណនីដែលពាក់ព័ន្ធ
ង. ការចូល Single Sign-on តាមរយៈ Apple
ប្រសិនបើលោក/លោកស្រីមានគណនីជាមួយ Apple លោក/លោកស្រីអាចប្រើគណនីនេះដើម្បីចូលប្រើប្រាស់សេវារបស់យើង។ គណនី Apple សម្រាប់លោក/លោកស្រីប្រើប្រាស់នៅតំបន់អឺរ៉ុបត្រូវបានផ្តល់ដោយក្រុមហ៊ុន Apple Computer Limited, Hollyhill Industrial Estate, Cork, Ireland (“Apple Ireland”) ដែលជាក្រុមហ៊ុនបុត្រសម្ព័ន្ធរបស់ Apple Inc., One Apple Park Way, Cupertino, CA 95014, សហរដ្ឋអាមេរិក។
ដោយចុចប៊ូតុង “Continue with Apple” នៅលើគេហទំព័រ ឬកម្មវិធីរបស់យើង លោក/លោកស្រីអាចចូល ឬចុះឈ្មោះនៅលើគេហទំព័រ ឬកម្មវិធីរបស់យើងដោយប្រើទិន្នន័យអ្នកប្រើប្រាស់ Apple របស់លោក/លោកស្រី។ លុះត្រាតែលោក/លោកស្រីផ្តល់ការយល់ព្រមភ្លាមៗនៅមុនដំណើរការចុះឈ្មោះដោយផ្អែកលើកំណត់សម្គាល់ដែលត្រូវគ្នាអំពីការផ្លាស់ប្តូរទិន្នន័យជាមួយ Apple ទើបយើងទទួលបានលេខសម្គាល់អ្នកប្រើប្រាស់ Apple ឈ្មោះអ្នកប្រើប្រាស់ និងអាសយដ្ឋានអ៊ីមែលរបស់លោក/លោកស្រី។ យើងនឹងមិនទទួលបានលេខកូដសម្ងាត់ Apple របស់លោក/លោកស្រីទេ ហើយក៏មិនអាចចូលគណនី Apple របស់លោក/លោកស្រីបានដែរ។ លោក/លោកស្រីអាចស្វែងយល់បន្ថែមអំពីការចែករំលែកទិន្នន័យជាមួយ Apple នៅពេលចូលប្រើប្រាស់សេវារបស់យើងតាមរយៈ Apple ដោយពិនិត្យមើលសេចក្ដីពន្យល់របស់ Apple នៅត្រង់នេះ៖ https://support.apple.com/en-us/HT204053 ។
ទិន្នន័យដែលក្រុមហ៊ុន Apple បានបញ្ជូនមក ត្រូវបានរក្សាទុក និងដំណើរការដោយពួកយើងតែប៉ុណ្ណោះ ដើម្បីបង្កើតគណនីអ្នកប្រើប្រាស់ដែលមានទិន្នន័យចាំបាច់។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានទំនាក់ទំនង
Apple ID និងអាសយដ្ឋានអ៊ីមែលពាក់ព័ន្ធ
ច. ការគ្រប់គ្រងប្រូហ្វាលរបស់លោក/លោកស្រី
លោក/លោកស្រីអាចចូលទៅក្នុងប្រូហ្វាលរបស់លោក/លោកស្រីបានគ្រប់ពេលវេលា ហើយអាច ធ្វើការផ្លាស់ប្តូរទិន្នន័យផ្ទាល់ខ្លួន ដូចជាឈ្មោះ អាសយដ្ឋានអ៊ីមែល ឬលេខទូរស័ព្ទ។ លោក/លោកស្រីក៏អាចមើលការបញ្ជាទិញពីមុនៗរបស់លោក/លោកស្រីផងដែរ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ទិន្នន័យអំពីទីតាំង
ទិន្នន័យប្រវត្តិបញ្ជាទិញ
ព័ត៌មានអំពីឧបករណ៍ និងទិន្នន័យចូលប្រើប្រាស់
ទិន្នន័យទំនាក់ទំនងផ្នែកទីផ្សារ និងការផ្សព្វផ្សាយ
ទិន្នន័យអំពីការទូទាត់ប្រាក់
ឆ. ដំណើរការការបញ្ជាទិញ
នៅពេលដែលលោក/លោកស្រីបានចុះឈ្មោះដោយជោគជ័យ និងសម្រេចចិត្តធ្វើការបញ្ជាទិញ យើងនឹងរក្សាទុកព័ត៌មាននេះនៅក្នុងប្រូហ្វាលរបស់លោក/លោកស្រី និងដំណើរការបន្តទៀត ដើម្បីឱ្យលោក/លោកស្រីអាចបញ្ជូនការបញ្ជាទិញរបស់លោក/លោកស្រីមកកាន់ពួកយើង។ នៅពេលលោក/លោកស្រីបញ្ជូនការបញ្ជាទិញ នោះ ទិន្នន័យផ្ទាល់ខ្លួនរបស់លោក/លោកស្រីនឹងត្រូវផ្ទេរទៅផ្នែកចុងក្រោយរបស់យើងដែលនឹងត្រូវផ្ទេរទៅប្រព័ន្ធផ្សេងទៀតសម្រាប់ដំណើរការបន្ថែម។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ទិន្នន័យបញ្ជាទិញ
ទិន្នន័យដឹកជញ្ជូន
ទិន្នន័យអំពីទីតាំង
ព័ត៌មានអំពីឧបករណ៍ និងទិន្នន័យអំពីការចូលប្រើប្រាស់
ជ. ការរក្សាទុកមុខទំនិញសម្រាប់ពេលក្រោយ
បន្ទាប់ពីលោក/លោកស្រីបានចូលទៅក្នុងប្រូហ្វាលរបស់លោក/លោកស្រី និងធ្វើការជ្រើសរើស នោះផលិតផលដែលជ្រើសរើសនឹងត្រូវរក្សាទុកនៅក្នុងប្រូហ្វាលរបស់លោក/លោកស្រី។ ប្រសិនបើលោក/លោកស្រីបិទកម្មវិធី browser ឬកម្មវិធី app របស់លោក/លោកស្រីដោយចៃដន្យ នោះលោក/លោកស្រីនៅតែអាចបន្តទៅដល់ចំណុចចុងក្រោយនៃការបញ្ជាទិញរបស់លោក/លោកស្រី។ យើងរក្សាទុកទិន្នន័យនេះ ដើម្បីផ្តល់ជូននូវបទពិសោធន៍នៃការបញ្ជាទិញកាន់តែល្អប្រសើរ ដែលលោក/លោកស្រីអាចបន្តការបញ្ជាទិញយ៉ាងងាយស្រួលតាមរយៈកម្មវិធី browser ឬ app ដែលត្រូវបានបិទដោយចៃដន្យ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានអំពីឧបករណ៍ និងទិន្នន័យអំពីការចូលប្រើប្រាស់
ទិន្នន័យបញ្ជាទិញ
ឈ. ការដឹកជញ្ជូនទំនិញដែលបានបញ្ជាទិញ
នៅពេលលោក/លោកស្រីបានធ្វើការបញ្ជាទិញដោយជោគជ័យ នោះដំណើរការមួយចំនួនកំពុងតែអនុវត្តនៅផ្នែកខាងក្រោយ ដើម្បីធានាថា ទំនិញដែលលោក/លោកស្រីបានបញ្ជាទិញត្រូវបានដឹកជញ្ជូនយ៉ាងឆាប់រហ័ស។ ទិន្នន័យនេះរួមមានការចែករំលែកទិន្នន័យបញ្ជាទិញរបស់លោក/លោកស្រីជាមួយភោជនីយដ្ឋានរៀបចំអាហារ ឬហាងលក់ទំនិញដែលរៀបចំទំនិញរបស់លោក/លោកស្រី (សម្រាប់ pandamart) ព្រមទាំងជាមួយ អ្នកដឹកជញ្ជូនដែលធ្វើការដឹកជញ្ជូនការបញ្ជាទិញរបស់លោក/លោកស្រី។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យដឹកជញ្ជូន
ញ. ការហៅទូរស័ព្ទពីអ្នកដឹកជញ្ជូន ភោជនីយដ្ឋាន ឬហាងនានា ដើម្បីពិនិត្យមើលការបញ្ជាទិញរបស់លោក/លោកស្រី
ប្រសិនបើផលិតផលដែលលោក/លោកស្រីបានជ្រើសរើសពុំមាននៅក្នុងស្តុក ឬអ្នកដឹកជញ្ជូនរបស់យើងមិនអាចស្វែងរកអាសយដ្ឋានដឹកជញ្ជូនដែលលោក/លោកស្រីបានផ្តល់ឱ្យទេ តាមរយៈការណែនាំពីយើងនោះពួកគេនឹងធ្វើការនឹងហៅទូរស័ព្ទទៅលោក/លោកស្រី ដើម្បីអាចដោះស្រាយបញ្ហាបានយ៉ាងឆាប់រហ័ស។ ទាំងភោជនីយដ្ឋន ក៏ដូចជាអ្នកដឹកជញ្ជូនពុំទាមទារឱ្យលោក/លោកស្រីផ្ដល់ទិន្នន័យផ្ទាល់ខ្លួនណាមួយឡើយ ហើយទោះក្នុងករណីណាក៏ពួកគេមិនអាចប្រើប្រាស់ព័ត៌មានទាំងនេះសម្រាប់គោលបំណងផ្ទាល់ខ្លួនបានដែរ។ ប្រសិនបើលោក/លោកស្រីនៅតែទទួលបានការទំនាក់ទំនងពីភោជនីយដ្ឋាន ហាងលក់ទំនិញ ឬអ្នកដឹកជញ្ជូនដោយគ្មានការយល់ព្រមពីលោក/លោកស្រី នោះយើងសុំឱ្យលោក/លោកស្រីរាយការណ៍អំពីករណីនេះតាមរយៈអ៊ីមែល មកកាន់ dataprotection@foodpanda.kh ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យដឹកជញ្ជូន
ដ. ការរក្សាទុករបៀបទូទាត់ប្រាក់
ដើម្បីឱ្យការបញ្ជាទិញកាន់តែងាយស្រួលសម្រាប់លោក/លោកស្រី យើងសូមស្នើឱ្យរក្សាទុករបៀបទូទាត់ប្រាក់ដែលលោក/លោកស្រីបានជ្រើសរើស។ ការរក្សាទុកនេះគឺមានន័យថា លោក/លោកស្រីមិនចាំបាច់បញ្ចូលព័ត៌មានលម្អិតអំពីការទូទាត់ម្តងទៀតទេ នៅពេលដែលលោក/លោកស្រីធ្វើការបញ្ជាទិញលើកក្រោយ។ ទិន្នន័យអំពីការទូទាត់របស់លោក/លោកស្រីនឹងត្រូវរក្សាទុកដោយសុវត្ថិភាព ហើយយើងនឹងធានាថា ទិន្នន័យនេះត្រូវបានអ៊ិនគ្រីបគ្រប់ពេលវេលា។ ភោជនីយដ្ឋាន និងហាងលក់ទំនិញនឹងមិនទទួលបានទិន្នន័យអំពីការទូទាត់របស់លោក/លោកស្រីឡើយ។
ប្រភេទផ្សេងៗនៃទិន្នន័យផ្ទាល់ខ្លួន៖ ទិន្នន័យ
ទិន្នន័យអំពីការទូទាត់
II. ការរកឃើញការក្លែងបន្លំ ការការពារ និងសុវត្ថិភាពនៃភ្លែតហ្វមរបស់យើង
ដើម្បីការពារអតិថិជន និងភ្លែតហ្វមរបស់យើងពីការវាយប្រហារដែលអាចកើតមាន យើងបន្តតាមដានសកម្មភាពនៅលើគេហទំព័រ និងកម្មវិធីទូរស័ព្ទរបស់យើង។ ដើម្បីការពារភ្លែតហ្វមឱ្យមានសុវត្ថិភាព និងធានាផ្ដល់ជូនលោក/លោកស្រីនូវបទពិសោធន៍បញ្ជាទិញទំនិញប្រកបដោយសុវត្ថិភាព យើងនឹងប្រើវិធានការបច្ចេកទេសផ្សេងៗ ដើម្បីធានាថា ឥរិយាបថគួរឱ្យសង្ស័យត្រូវបានរកឃើញទាន់ពេលវេលា និងត្រូវបានទប់ស្កាត់ឱ្យបានឆាប់តាមដែលអាចធ្វើបាន។ ដើម្បីសម្រេចនូវគោលដៅនេះ យន្តការត្រួតពិនិត្យតាមកម្មវិធីសូហ្វវែរជាច្រើនដំណើរការស្របគ្នា និងទប់ស្កាត់អ្នកវាយប្រហារកុំឱ្យបំផ្លាញភ្លែតហ្វមរបស់យើង។
ដំណើរការធ្វើសេចក្ដីសម្រេចចិត្តមានលក្ខណៈស្វ័យប្រវត្តិ ហើយអាចមានឥទ្ធិពលលើការប្រើប្រាស់គណនីដែលបានចុះឈ្មោះរបស់អ្នកនៅលើភ្លែតហ្វមរបស់យើង ប្រសិនបើការសម្រេចចិត្តនេះនាំឱ្យមានលទ្ធផលអវិជ្ជមានដល់លោក/លោកស្រី ហើយលោក/លោកស្រីមិនយល់ស្របនឹងលទ្ធផលនោះ លោក/លោកស្រីអាចទាក់ទងមកយើងខ្ញុំតាមរយៈអ៊ីមែល dataprotection@foodpanda.kh ។ ក្នុងករណីនេះ យើងនឹងវាយតម្លៃជាស្ថានភាពនីមួយៗនៃករណីរបស់លោក/លោកស្រី។ រាល់វិធីសាស្រ្តដោះស្រាយការរកឃើញ និងការទប់ស្កាត់ការក្លែងបន្លំរបស់យើង តែងតែបើកចំហឱ្យមានការត្រួតពិនិត្យពីមនុស្សដោយផ្ទាល់។ ប្រសិនបើលោក/លោកស្រីគិតថាមានកំហុសកើតឡើង នោះយើងរីករាយក្នុងការពិនិត្យមើល និងធ្វើការកែតម្រូវតាមការចាំបាច់។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានអំពីឧបករណ៍ និងទិន្នន័យអំពីការចូលប្រើប្រាស់
ទិន្នន័យអំពីការទូទាត់ប្រាក់
ទិន្នន័យបញ្ជាទិញ
ព័ត៌មានអំពីប័ណ្ណបញ្ចុះតម្លៃ
III. ការផ្សព្វផ្សាយទីផ្សារដោយផ្ទាល់
ក. ព្រឹត្តិបត្រព័ត៌មាន និងការស្ទង់មតិអ្នកប្រើប្រាស់តាមអ៊ីមែល និង/ឬសារជាអក្សរ
ម្ដងម្កាលយើងអាចផ្ញើអ៊ីមែល សារ SMS ឬសារជាអក្សរផ្សេងទៀតអំពីការផ្តល់ជូនជាប្រចាំនូវទំនិញ ឬសេវាស្រដៀងនឹងទំនិញ ដែលផ្តល់ជូននៅលើភ្លែតហ្វមរបស់យើង។ យើងកំពុង ព្យាយាមឥតឈប់ឈរដើម្បីកែលម្អសេវារបស់យើង ហើយយើងសូមស្វាគមន៍ជានិច្ចចំពោះ មតិស្ថាបនារបស់លោក/លោកស្រី។ ដូច្នេះ ព្រឹត្តិបត្រព័ត៌មានទីផ្សារផ្ទាល់របស់យើងក៏អាចមានទម្រង់ស្ទង់មតិដែលយើងស្នើសុំមតិកែលម្អដោយស្មោះត្រង់ពីលោក/លោកស្រី។ ដូច្នេះយូរៗម្ដង យើងនឹងផ្ញើទម្រង់ស្ទង់មតិអតិថិជនដើម្បីស្នើឱ្យលោក/លោកស្រីជួយផ្តល់មតិយោបល់សម្រាប់សេវារបស់យើងផងដែរ។
លោក/លោកស្រីអាចបញ្ឈប់ការទទួលអ៊ីមែលទាំងនេះនៅពេលណាក៏បាន។ ក្នុងករណីនេះ យើងនឹងរក្សាទុកព័ត៌មានទំនាក់ទំនងរបស់លោក/លោកស្រីនៅក្នុងបញ្ជីអតិថិជនដែលបដិសេធ ដោយមិនទទួលយកការផ្សព្វផ្សាយទីផ្សារដោយផ្ទាល់ ដើម្បីប្រាកដថាយើងអាចបន្តអនុវត្តតាមការបដិសេធរបស់លោក/លោកស្រី។
លោក/លោកស្រីអាចបញ្ឈប់ការយល់ព្រមទទួលឯកសារទីផ្សារទាំងអស់របស់យើង តាមរយៈការដាក់សំណើរបស់លោក/លោកស្រីទៅកាន់អ៊ីមែល dataprotection@foodpanda.kh បានគ្រប់ពេលវេលា។ នៅពេលបញ្ឈប់ការយល់ព្រមសម្រាប់គោលបំណងទីផ្សារនេះនឹងពុំមានការប៉ះពាល់ទៅដល់សមត្ថភាពរបស់លោក/លោកស្រីក្នុងការប្រើប្រាស់សេវារបស់យើងដែលមាននៅលើគេហទំព័រ និងកម្មវិធីរបស់យើងឡើយ។
លោក/លោកស្រីក៏អាចឈប់ទទួលព្រឹត្តិប័ត្រព័ត៌មានទីផ្សាររបស់យើងដែលបានផ្ញើតាមរយៈអ៊ីមែលដោយចុចលើប៊ូតុង “unsubscribe” នៅខាងចុងនៃអ៊ីមែលរបស់យើង។
ខ្លឹមសារនៃព្រឹត្តិបត្រព័ត៌មាន និងទម្រង់ស្ទង់មតិរបស់យើងមិនត្រឹមតែខុសគ្នាប៉ុណ្ណោះទេ ប៉ុន្តែបច្ចេកវិទ្យា និងលក្ខណៈវិនិច្ឆ័យដែលយើងប្រើដើម្បីរចនាព្រឹត្តិបត្រព័ត៌មាន និងបែងចែកក្រុមអតិថិជនរបស់យើងក៏ខុសគ្នាផងដែរ។ ឧទាហរណ៍ អតិថិជនមួយក្រុមអាចទទួលបានព្រឹត្តិបត្រព័ត៌មានពិសេសដែលផ្សព្វផ្សាយអំពីការផ្តល់ជូនពិសេសពីភោជនីយដ្ឋានដែលអតិថិជនបានបញ្ជាទិញ។ ព្រឹត្តិបត្រព័ត៌មានផ្សេងទៀតអាចសំដៅលើផលិតផលជាក់លាក់ដែលពាក់ព័ន្ធនឹងរសជាតិជាក់លាក់មួយ ដូចជាស៊ូស៊ី ម្ហូបឥណ្ឌា ឬភីហ្សា។ យើងប្រើប្រាស់ព័ត៌មានផ្សេងៗពីប្រវត្តិបញ្ជាទិញ និងអាសយដ្ឋាន ដឹកជញ្ជូនរបស់លោក/លោកស្រី ដើម្បីបង្កើតការផ្តល់ជូនកែសម្រួលសម្រាប់លោក/លោកស្រី។ សូមបញ្ជាក់ថា យើងកំពុងកត់ត្រាដោយប្រើឈ្មោះមិនពិតនូវសូចនាករសមិទ្ធកម្មសំខាន់ៗ ដើម្បីវាយតម្លៃប្រសិទ្ធភាពនៃយុទ្ធនាការទីផ្សារផ្ទាល់របស់យើង។ ទិន្នន័យនេះរួមមានទាំងព័ត៌មានសរុបអំពីអត្រាបើក និងការចុចចូលតាមរយៈសារអំពីទីផ្សារផ្ទាល់របស់យើង។
នេះគឺជាដំណើរការរៀបចំកម្រងព័ត៌មានដែលយើងដំណើរការទិន្នន័យរបស់លោក/លោកស្រីដោយស្វ័យប្រវត្តិ។ ការបែងចែកអតិថិជនជាក់លាក់ពុំមានឥទ្ធិពលផ្លូវច្បាប់ចំពោះលោក/លោកស្រីឡើយ ហើយក៏មិនប៉ះពាល់ធ្ងន់ធ្ងរចំពោះលោក/លោកស្រីដែរ។ ព័ត៌មានតែមួយគត់ដែលលោក/លោកស្រីនឹងសម្គាល់ឃើញគឺការផ្តល់ជូនដ៏គួរឱ្យចាប់អារម្មណ៍នៅលើភ្លែតហ្វមរបស់យើងដែលស្របតាមការចង់បាន និងអាហារដែលលោក/លោកស្រីចូលចិត្តផងដែរ។
ទោះជាយ៉ាងនេះក្ដី ប្រសិនបើការសម្រេចចិត្តដោយស្វ័យប្រវត្តិនេះបង្កការរំខាន់ដល់លោក/លោកស្រី ហើយលោក/លោកស្រីមិនយល់ស្របនឹងបញ្ហានេះ នោះលោក/លោកស្រីអាចទាក់ទងមកយើងខ្ញុំតាមរយៈ dataprotection@foodpanda.kh ។ នៅក្នុងករណីនេះ យើងនឹងដកលោក/លោកស្រីចេញពីការប្រាស្រ័យទាក់ទងតាមព្រឹត្តិបត្រព័ត៌មានផ្ទាល់ខ្លួន ហើយលោក/លោកស្រីនឹងលែងទទួលបានសារទាំងនេះទៀតហើយ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ទិន្នន័យអំពីទីតាំង
ទិន្នន័យបញ្ជាទិញ
ព័ត៌មានអំពីឧបករណ៍ និងទិន្នន័យអំពីការចូលប្រើប្រាស់
ចំណុចសំខាន់៖ ដូចដែលបានបញ្ជាក់រួចមកហើយ លោក/លោកស្រីមានសិទ្ធិជំទាស់នឹងការប្រើប្រាស់អាសយដ្ឋានអ៊ីមែលរបស់លោក/លោកស្រីសម្រាប់គោលបំណងផ្សាយពាណិជ្ជកម្មដូចដែលបានរៀបរាប់ខាងលើគ្រប់ពេលវេលា និងដោយឥតគិតថ្លៃ ដោយមានប្រសិទ្ធិភាពនៅពេលខាងមុខតាមរយៈការផ្លាស់ប្តូរសារចូលចិត្តរបស់លោក/លោកស្រី ដោយប្រើប៊ូតុង “unsubscribe” នៅផ្នែកចុងក្រោយនៃព្រឹត្តិបត្រព័ត៌មាន ឬដោយទាក់ទងមកយើងខ្ញុំតាមរយៈអ៊ីមែល dataprotection@foodpanda.kh ។
ខ. ការជូនដំណឹងតាមរយៈកម្មវិធី
យើងមានសេចក្ដីសោមនស្សជាខ្លាំងក្នុងការជូនដំណឹងដល់លោក/លោកស្រីអំពីភោជនីយដ្ឋានថ្មី ឬការបញ្ចុះតម្លៃផ្សេងៗ នៅពេលប្រើប្រាស់កម្មវិធីរបស់យើង។ យើងតែងតែព្យាយាមធ្វើយ៉ាងណាឱ្យអតិថិជនទទួលបាននូវបទពិសោធន៍ល្អបំផុត។ ដើម្បីសម្រេចបាននូវចំណុចនេះ យើងចរចារយកឱកាសបញ្ចុះតម្លៃដ៏ល្អជាច្រើន សម្រាប់លោក/លោកស្រីជាមួយដៃគូភោជនីយដ្ឋានរបស់យើង។ ដើម្បីជូនដំណឹងដល់លោក/លោកស្រីអំពីការបញ្ចុះតម្លៃទាំងនេះ យើងនឹងផ្ញើការជូនដំណឹងតាមរយៈកម្មវិធី ឬជូនដំណឹងជាសារក្នុងទូរស័ព្ទ ប្រសិនបើលោក/លោកស្រីបានបើកឱ្យមុខងារនេះដំណើរការនៅលើឧបករណ៍របស់លោក/លោកស្រី។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យទីតាំង
ទិន្នន័យប្រូហ្វាល (ទិន្នន័យមេ)
ព័ត៌មានបញ្ជាទិញ
IV. ការធ្វើទីផ្សារអនឡាញ
ការបញ្ចុះបញ្ចូលអតិថិជនថាយើងផ្តល់ជូននូវបទពិសោធន៍អតិថិជនដ៏អស្ចារ្យ ហើយថារាល់ការចូលទៅកាន់កម្មវិធីរបស់យើងគឺនឹងទទួលបានអត្ថប្រយោជន៍ គឺជាអាទិភាពអាជីវកម្មដ៏សំខាន់មួយរបស់យើង។ ដើម្បីផ្សព្វផ្សាយទៅដល់អតិថិជនឱ្យបានច្រើនតាមតែអាចធ្វើទៅបាន យើងបានធ្វើទីផ្សារអនឡាញយ៉ាងសកម្ម និងធ្វើសកម្មភាពទីផ្សារអនឡាញខាងក្រោមដើម្បីទាក់ទាញអតិថិជនថ្មីមកកាន់កម្មវិធីរបស់យើង៖
ក. ការកំណត់គោលដៅ
ជាទូទៅការកំណត់គោលដៅមានន័យថាគ្រាន់តែជាការបង្ហាញការផ្សាយពាណិជ្ជកម្មតាម
អ៊ីនធឺណិត (ឧ. ដោយបង្ហាញផ្ទាំងបដានៅលើគេហទំព័រ ឬការផ្តល់ការផ្សាយពាណិជ្ជកម្មនៅលើបន្ទាត់ពេលវេលានៃសេវាបណ្ដាញសង្គម) ដែលតម្រូវតាមក្រុមគោលដៅជាក់លាក់។ យើងខិតខំផ្ដល់ជូនលោក/លោកស្រីនូវការផ្សាយពាណិជ្ជកម្មដែលជាការពិតពាក់ព័ន្ធនឹងចំណាប់អារម្មណ៍
របស់លោក/លោកស្រី និងនាំមកនូវតម្លៃបន្ថែមដល់បទពិសោធន៍ប្រើប្រាស់អ៊ីនធឺណិតរបស់លោក/លោកស្រី។
នៅក្នុងដំណើរការកំណត់គោលដៅរបស់យើង ជាជំហានដំបូង យើងកំណត់ក្រុមគោលដៅដោយផ្អែកលើលក្ខណៈវិនិច្ឆ័យមួយចំនួនដូចជា ទីតាំង អាយុ ឬចំណង់ចំណូលចិត្តអាហារ ហើយទីពីរ យើងដាក់ឱ្យអ្នកផ្តល់សេវារបស់យើងបង្ហាញការផ្សាយពាណិជ្ជកម្មរបស់យើងទៅកាន់ក្រុម
គោលដៅដែលបានកំណត់ ទាំងនៅលើ គេហទំព័រ/កម្មវិធីរបស់យើងផ្ទាល់ ក៏ដូចជានៅលើបណ្ដាញអ៊ីនធឺណិតដែលជាកម្មសិទ្ធិ និងដំណើរការដោយភាគីទីបីដែលជាអ្នកផ្សព្វផ្សាយផងដែរ។ ដើម្បីកំណត់ក្រុមគោលដៅដែលបានគ្រោងទុកឱ្យកាន់តែប្រសើរឡើង យើងបានបែងចែកប្រភេទ
អតិថិជន និងដាក់ការផ្សាយពាណិជ្ជកម្មផ្សេងៗគ្នានៅលើវេបសាយត៍ផ្សេងៗគ្នា។ យើងនឹងប្រើទិន្នន័យអាណាមិក (pseudonymous data) សម្រាប់តែគោលបំណងនេះតែប៉ុណ្ណោះ។ នោះមានន័យថាយើងនឹងមិនអាចកំណត់អត្តសញ្ញាណបុគ្គលម្នាក់ៗនៅក្នុងក្រុមគោលដៅដែលបានកំណត់បានទេ។
ខ. ការកំណត់គោលដៅឡើងវិញ
នៅពេលដែលលោក/លោកស្រីបានចូលទៅកាន់កម្មវិធីរបស់យើង ឧទាហរណ៍ បានដាក់ការបញ្ជា ទិញរួចហើយ យើងនឹងរក្សាទុកព័ត៌មាននេះតាមរយៈខូឃី (cookies) និងបច្ចេកវិទ្យាតាមដាន គេហទំព័រផ្សេងទៀត។ ប្រសិនបើលោក/លោកស្រីបន្តប្រើប្រាស់គេហទំព័រផ្សេងទៀត ដៃគូផ្សាយពាណិជ្ជកម្មរបស់យើងនឹងរំឭកលោក/លោកស្រីជំនួសឱ្យយើងខ្ញុំ ថាលោក/លោកស្រីមិនទាន់បានបញ្ចប់ការបញ្ជាទិញរបស់លោក/លោកស្រីឱ្យបានពេញលេញនៅឡើយទេ។ យើងមិនចង់ឱ្យលោក/លោកស្រីខកខានទទួលយកនូវបទពិសោធន៍ដ៏អស្ចារ្យនៃភាពជាអតិថិជនរបស់យើងឡើយ។
ប្រភេទផ្សេងៗនៃទិន្នន័យផ្ទាល់ខ្លួន៖
ព័ត៌មានអំពីឧបករណ៍ និងទិន្នន័យចូលប្រើប្រាស់
ទិន្នន័យទីតាំង
គ. ខូឃី (cookies) និងការតាមដានគេហទំព័រ
នៅក្នុងបរិបទនៃសកម្មភាពទីផ្សារអនឡាញរបស់យើង យើងក៏ប្រើខូឃី (cookies) និងបច្ចេកវិទ្យាតាមដាន
គេហទំព័រផ្សេងទៀតផងដែរ។ ដូចដែលបានបញ្ជាក់ខាងលើ បច្ចេកវិទ្យាទាំងនេះជួយយើងឱ្យស្គាល់ឧបករណ៍របស់លោក/លោកស្រី និងផ្តល់ជូនលោក/លោកស្រីតែប្រភេទនៃការផ្សាយពាណិជ្ជកម្មដែលពាក់ព័ន្ធនឹងចំណាប់អារម្មណ៍របស់លោក/លោកស្រីតែប៉ុណ្ណោះ។ ជាគោលការណ៍ បច្ចេកវិទ្យាតាមដានគេហទំព័ររបស់យើងនឹងដំណើរការព័ត៌មានឧបករណ៍របស់លោក/លោកស្រី ហើយចូលប្រើទិន្នន័យក្នុងទម្រង់អាណាមិកតែប៉ុណ្ណោះ ដែលមានន័យថា យើងនឹងមិនអាចកំណត់អត្តសញ្ញាណរបស់លោក/លោកស្រីបានដោយផ្អែកតែលើទិន្នន័យនេះឡើយ ហើយយើងក៏មិនអាចកំណត់ថាសកម្មភាពរបស់លោក/លោកស្រីនៅខាងក្រៅកម្មវិធីរបស់យើងមានទំនាក់ទំនងជាមួយគណនីរបស់លោក/លោកស្រីក្នុងកម្មវិធីយើងបានដែរ។
ដើម្បីផ្តល់ជូនលោក/លោកស្រីនូវព័ត៌មានទាំងអស់ដែលលោក/លោកស្រីត្រូវការ យើងបាន រៀបចំខូឃី (cookies) SDKs និងគោលការណ៍តាមដានគេហទំព័រដែលមិនត្រឹមតែពន្យល់ព័ត៌មានលម្អិតនៃបច្ចេកវិទ្យាតាមដានគេហទំព័ររបស់យើងតែប៉ុណ្ណោះទេ ប៉ុន្តែថែមទាំងពន្យល់អំពីរបៀបដែលលោក/លោកស្រីពិតជាអាចជ្រើសរើសប្រើប្រាស់ ឬមិនប្រើប្រាស់ផងដែរសម្រាប់បច្ចេកវិទ្យាតាមដានគេហទំព័រនៅលើគេហទំព័ររបស់យើងនេះ។
លោក/លោកស្រីអាចស្វែងរកខូឃី (cookies) SDKs និងគោលការណ៍តាមដានគេហទំព័ររបស់យើងនៅត្រង់នេះ។
ប្រភេទផ្សេងៗនៃទិន្នន័យផ្ទាល់ខ្លួន៖
ព័ត៌មានអំពីឧបករណ៍ និងទិន្នន័យចូលប្រើប្រាស់
ឃ. កម្មវិធីផ្ដល់រង្វាន់បន្ថែម
យើងមានបំណងផ្តល់រង្វាន់ដល់អតិថិជនរបស់យើងដែលបានប្រើប្រាស់កម្មវិធីរបស់យើងជាប្រចាំ ជាមួយនឹងការបញ្ចុះតម្លៃពិសេសផ្សេងៗ និងការសន្សំពិន្ទុ។ ហេតុនេះហើយ ទើបយើងផ្តល់ជូនអតិថិជនរបស់យើងនូវឱកាស ចូលរួមក្នុងកម្មវិធីរង្វាន់នេះ។ ការចូលរួមក្នុងកម្មវិធីរង្វាន់នឹងតម្រូវឱ្យមានការយល់ព្រមជាមុនសិន។ លោក/លោកស្រីអាចលុបចោលការយល់ព្រមរបស់លោក/លោកស្រីនៅពេលណាក៏បាន។ សូមផ្ញើអ៊ីមែលមកយើងតាមរយៈ dataprotection@foodpanda.kh ប្រសិនបើលោក/លោកស្រីចង់លុបចោលការយល់ព្រម។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ង. ការចាប់ឆ្នោត
ពេលខ្លះយើងដំណើរការការចាប់ឆ្នោតដើម្បីផ្តល់ជូនអតិថិជនរបស់យើងនូវឱកាសនៃការឈ្នះរង្វាន់ពាក់ព័ន្ធនឹងកម្មវិធីរបស់យើង (អាចជាប័ណ្ណបញ្ចុះតម្លៃ ការផ្តល់ជូនពិសេស ឬរង្វាន់ដែលមានតម្លៃស្មើនឹងសាច់ប្រាក់ផ្សេងទៀត)។ មុនពេលលោក/លោកស្រីចូលរួម យើងនឹងស្នើសុំឱ្យលោក/លោកស្រីផ្តល់ការយល់ព្រមឱ្យពួកយើង ធ្វើការដំណើរការទិន្នន័យផ្ទាល់ខ្លួនរបស់លោក/លោកស្រី ក្នុងគោលបំណងចុះឈ្មោះលោក/លោកស្រីសម្រាប់យុទ្ធនាការនេះ។ ប្រសិនបើលោក/លោកស្រីមិនផ្ដល់ការយល់ព្រម នោះលោក/លោកស្រីមិនអាចចូលរួមនៅក្នុងការចាប់ឆ្នោតនេះបានឡើយ។
ប្រសិនបើលោក/លោកស្រីបានផ្តល់ការយល់ព្រមរួចហើយ ហើយចង់បញ្ឈប់វិញនៅពេលក្រោយ លោក/លោកស្រីអាចឈប់បានគ្រប់ពេលវេលាដោយគ្រាន់តែផ្ញើអ៊ីមែលទៅកាន់ dataprotection@foodpanda.kh ។ នៅក្នុងករណីនេះ យើងនឹងដកឈ្មោះរបស់លោក/លោកស្រីពីការចូលរួមក្នុងការចាប់ឆ្នោតរបស់យើង ហើយលោក/លោកស្រីនឹងមិនទទួលបានការអញ្ជើញផ្សេងទៀតឱ្យចូលរួមការចាប់ឆ្នោតឡើយ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ច. ការសម្ភាសន៍អ្នកប្រើប្រាស់សម្រាប់គោលបំណងស្រាវជ្រាវទីផ្សារ
យើងតែងតែបង្កើតផលិតផលថ្មីៗ និងព្យាយាមកែសម្រួលសេវារបស់យើងឱ្យស្របតាមតម្រូវការរបស់អតិថិជនរបស់យើងជានិច្ច។ ដើម្បីវាស់វែងប្រសិទ្ធភាពនៃការផ្លាស់ប្តូរទាំងនេះ យើងផ្តល់ការសម្ភាសន៍ជាប្រចាំជាមួយក្រុមសេវាអ្នកប្រើប្រាស់របស់យើង។ នៅក្នុងការសម្ភាសន៍ទាំងនេះ យើងកត់ត្រាឥរិយាបថប្រើប្រាស់របស់លោក/លោកស្រី និងសាកសួរលោក/លោកស្រីអំពីលទ្ធភាពកែលម្អសេវារបស់យើង។
ការចូលរួមក្នុងការសម្ភាសន៍តម្រូវឱ្យមានការយល់ព្រមពីលោក/លោកស្រី។ ប្រសិនបើលោក/លោកស្រីបានផ្តល់ការយល់ព្រមរួចហើយ ប៉ុន្តែចង់លុបចោលវិញនៅពេលក្រោយ លោក/លោកស្រីអាចធ្វើបានគ្រប់ពេលដោយគ្រាន់តែផ្ញើអ៊ីមែលទៅ dataprotection@foodpanda.kh ។ ក្នុងករណីនេះ យើងនឹងដកលោក/លោកស្រីពីការចូលរួមនៅក្នុងការសម្ភាសន៍របស់យើង ហើយលោក/លោកស្រីនឹងមិនទទួលបានការអញ្ជើញឱ្យចូលរួមការសម្ភាសន៍ផ្សេងទៀតឡើយ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ទិន្នន័យអំពីការដឹកជញ្ជូន
ទិន្នន័យប្រវត្តិបញ្ជាទិញ
ឆ. បណ្ណបញ្ចុះតម្លៃ
យើងតែងតែផ្តល់បណ្ណបញ្ចុះតម្លៃសម្រាប់កម្មវិធីរបស់យើង ដែលមូលហេតុអាចខុសៗគ្នា។ គោលបំណងនៃបណ្ណបញ្ចុះតម្លៃទាំងនេះគឺដើម្បីផ្តល់រង្វាន់ដល់អតិថិជនស្មោះស្ម័គ្ររបស់យើង និងលើកទឹកចិត្តឱ្យពួកគាត់បន្តដឹកនាំអតិថិជនស្មោះស្ម័គ្ររបស់យើងបន្តទៀត។ ដើម្បីអាចពិនិត្យមើលលេខ តម្លៃ និងភាពញឹកញាប់នៃការប្រើប្រាស់បណ្ណបញ្ចុះតម្លៃ ប៉ុន្តែក៏ដើម្បីជៀសវាងការប្រើប្រាស់បណ្ណបញ្ចុះតម្លៃទាំងនេះដោយមិនត្រឹមត្រូវ យើងបានប្រមូលទិន្នន័យផ្ទាល់ខ្លួនផ្សេងៗមួយចំនួន។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យប្រូហ្វាល (ទិន្នន័យមេ)
ព័ត៌មានបណ្ណបញ្ចុះតម្លៃ
V. គេហទំព័របណ្ដាញសង្គម
យើងមានប្រូហ្វាលនៅលើកម្មវិធីបណ្ដាញសង្គមផ្សេងៗដែលយើងផ្សព្វផ្សាយអំពីផលិតផលរបស់យើង និងធ្វើសកម្មភាពជាមួយអតិថិជន។ ដោយសារយើងដំណើរការទម្រង់ទាំងនេះនៅលើកម្មវិធីភាគីទីបី ដែលរួមមាន Facebook និង Instagram រាល់ពេលដែលលោក/លោកស្រីចូលទៅកាន់ប្រព័ន្ធផ្សព្វផ្សាយសង្គមទាំងនេះ ប្រតិបត្តិករនៃកម្មវិធីបណ្ដាញសង្គមទាំងនេះប្រមូលទិន្នន័យផ្ទាល់ខ្លួនផ្សេងៗគ្នាពីលោក/លោកស្រី។ កម្មវិធីបណ្ដាញសង្គម Facebook និង Instagram ត្រូវបានដំណើរការដោយ Facebook ។
ក. ទំនួលខុសត្រូវ
យើងនិងប្រតិបត្តិករនីមួយៗនៃភ្លែតហ្វមបណ្ដាញសង្គម ដើរតួជាអ្នកត្រួតពិនិត្យរួមគ្នាពាក់ព័ន្ធនឹងការប្រមូលទិន្នន័យផ្ទាល់ខ្លួនរបស់លោក/លោកស្រី នៅលើគេហទំព័របណ្ដាញសង្គមរបស់យើង ក៏ដូចជាការវិភាគនៃការប្រើប្រាស់គេហទំព័របណ្ដាញសង្គមរបស់យើងដោយអ្នកប្រើប្រាស់បណ្ដាញ
សង្គម។ សម្រាប់គោលបំណងនេះ យើង និងក្រុមហ៊ុន Facebook បានយល់ព្រមលើកិច្ចព្រមព្រៀងគ្រប់គ្រងរួមគ្នាមួយស្របតាម មាត្រាទី 26 GDPR ។
ជាមួយគ្នានេះដែរ ប្រតិបត្តិករនៃកម្មវិធីបណ្ដាញសង្គម គឺជាអ្នកត្រួតពិនិត្យទិន្នន័យដោយផ្ទាល់សម្រាប់ការប្រើប្រាស់ទូទៅនៃសេវាបណ្ដាញសង្គម និងទំនាក់ទំនងរបស់ពួកគេនៅខាងក្រៅទម្រង់ និងគេហទំព័របណ្ដាញសង្គមរបស់យើង។ ទំនួលខុសត្រូវទាំងស្រុងនេះក៏អនុវត្តផងដែរចំពោះដំណើរការទិន្នន័យទម្រង់បណ្ដាញសង្គមរបស់លោក/លោកស្រីសម្រាប់គោលបំណងផ្សេងក្រៅពី
ការវិភាគចរាចរណ៍នៅលើគេហទំព័របណ្ដាញសង្គមរបស់យើង។
តំណភ្ជាប់ខាងក្រោមនឹងបង្ហាញអ្នកយ៉ាងពិតប្រាកដ ថាតើទិន្នន័យណាមួយត្រូវបានប្រមូលដោយប្រតិបត្តិករបណ្ដាញសង្គមនីមួយៗ៖
គោលនយោបាយស្ដីពីឯកជនភាព Facebook
គោលនយោបាយស្ដីពីឯកជនភាព Instagram
ខ. ការដំណើរការទិន្នន័យ
Facebook ផ្តល់ជូនអ្នកគ្រប់គ្រងទំព័រនូវស្ថិតិរួម និងការយល់ឃើញ ដែលជួយពួកគេឱ្យយល់អំពីប្រភេទ សកម្មភាពដែលលោក/លោកស្រីប្រើប្រាស់ធ្វើនៅលើទំព័ររបស់ខ្លួន ("Page Insights")។ សូមបញ្ជាក់ថា យើងទទួលបានតែរបាយការណ៍អ្នកប្រើប្រាស់សរុបពី Facebook តែប៉ុណ្ណោះ។ គ្មានចំណុចណាមួយដែលយើងអាចកំណត់ការចូលមើលទំព័រណាមួយ ឬទំនាក់ទំនងផ្សេងទៀតចំពោះប្រូហ្វាលបណ្ដាញសង្គមនីមួយៗឡើយ។
នៅពេលអ្នកចូលមើល ឬធ្វើសកម្មភាពណាមួយនៅលើគេហទំព័របណ្ដាញសង្គមរបស់យើង ឬខ្លឹមសាររបស់វា ព័ត៌មានដូចខាងក្រោមអាចនឹងត្រូវប្រមូល និងប្រើប្រាស់ដើម្បីបង្កើតជា Page Insights៖
• ការមើលទំព័រ ឬការបង្ហោះ ឬវីដេអូពីទំព័រមួយ។
• Follow ឬ unfollow ទំព័រ
• Like ឬ Unlike ទំព័រ ឬប្រកាស (post)
• ណែនាំទំព័រមួយនៅក្នុងការបង្ហោះ ឬបញ្ចេញមតិយោបល់ (comment)
• បញ្ចេញមតិយោបល់ ធ្វើការចែករំលែក ឬធ្វើសកម្មភាពណាមួយជាមួយការបង្ហោះរបស់ទំព័រ (រួមទាំងប្រភេទនៃសកម្មភាពផ្សេងៗ)
• លាក់ការ post របស់ទំព័រ ឬរាយការណ៍ថាជាសារឥតបានការ
• ចុចលើតំណភ្ជាប់ទៅកាន់ទំព័រមួយពីទំព័រផ្សេងទៀតនៅលើ Facebook ឬពីវេបសាយត៍ណាមួយនៅលើ Facebook
• ដាក់លើឈ្មោះទំព័រ ឬរូបភាពរបស់ប្រូហ្វាល់ ដើម្បីមើលជាមុនទៅលើមាតិការបស់ទំព័រ
• ចុចលើគេហទំព័រ លេខទូរស័ព្ទ ប៊ូតុង Get Directions ឬប៊ូតុងផ្សេងទៀតនៅលើទំព័រមួយ។
• មិនថាអ្នកកំពុងប្រើកុំព្យូទ័រ ឬឧបករណ៍ចល័តទេ ពេលចូលមើល ឬធ្វើសកម្មភាពជាមួយទំព័រ ឬខ្លឹមសាររបស់វា។
គ. សិទ្ធិទៅលើប្រធានបទទិន្នន័យរបស់លោក/លោកស្រី
ជាផ្នែកនៃកិច្ចព្រមព្រៀងរបស់យើងជាមួយ Facebook ពាក់ព័ន្ធនឹងគេហទំព័របណ្ដាញសង្គមរបស់យើង យើងបានកំណត់ថា Facebook គឺជាអ្នកទទួលខុសត្រូវចម្បងក្នុងការបំពេញកាតព្វកិច្ចព័ត៌មានរបស់ខ្លួនពាក់ព័ន្ធនឹងទិន្នន័យ Page Insight ។ សម្រាប់ព័ត៌មានបន្ថែមអំពីសិទ្ធិចូលប្រើប្រាស់ទិន្នន័យពាក់ព័ន្ធរបស់លោក/លោកស្រីនៅលើ Facebook សូមមើលគោលនយោបាយស្ដីពីឯកជនភាព Page-Insights របស់ Facebook។
VI. ការគ្រប់គ្រងទំនាក់ទំនងអតិថិជន
(ក) សំណើរបស់លោក/លោកស្រី
ការពេញចិត្តរបស់លោក/លោកស្រីគឺជាគោលដៅធំបំផុតរបស់យើង។ ដូច្នេះហើយ យើងពិតជាចង់មានឱកាសដើម្បីឆ្លើយសំណួរទាំងអស់ដែលលោក/លោកស្រីមាន។ ដើម្បីអាចឆ្លើយសំណួរទាំងនេះ និងយល់ពីបញ្ហាទាំងមូលបានយើងរក្សាទុកខ្លឹមសារនៃការសន្ទនានៅក្នុងប្រព័ន្ធគ្រប់គ្រងទំនាក់ទំនងអតិថិជនរបស់យើង នៅពេលអ្នកទាក់ទងមកយើងខ្ញុំ។
ខ្លឹមសារនៃព័ត៌មានដែលយើងរក្សាទុក គឺអាស្រ័យទៅលើព័ត៌មានដែលលោក/លោកស្រីផ្តល់ឱ្យយើងជាផ្នែកនៃការទំនាក់ទំនងរបស់យើង។
ប្រភេទផ្សេងៗនៃទិន្នន័យផ្ទាល់ខ្លួន៖
ព័ត៌មានទំនាក់ទំនង
ប្រវត្តិ និងព័ត៌មាននៃការបញ្ជាទិញ
ខ) មជ្ឈមណ្ឌលទំនាក់ទំនងតាមទូរស័ព្ទ
ប្រសិនបើលោក/លោកស្រីទាក់ទងមកយើងតាមទូរស័ព្ទ យើងនឹងថតសំឡេងការសន្ទនានេះទុកសម្រាប់គោលបំណងធានាគុណភាព។ ក្នុងករណីបុគ្គលនីមួយៗ យើងក៏ប្រើការថតសំឡេងនេះសម្រាប់ការកែលម្អគុណភាពក្នុងសេវាអតិថិជន ពោលគឺសម្រាប់គោលបំណងបណ្ដុះបណ្ដាល (ការបង្វឹក) ជាមួយបុគ្គលិករបស់យើង។ ខ្លឹមសារនៃព័ត៌មានដែលយើងរក្សាទុក អាស្រ័យលើព័ត៌មានដែលលោក/លោកស្រីផ្តល់ឱ្យយើងជាផ្នែកនៃការទំនាក់ទំនងរបស់យើង។
ប្រភេទផ្សេងៗនៃទិន្នន័យផ្ទាល់ខ្លួន៖
ព័ត៌មានទំនាក់ទំនង
ប្រវត្តិ និងព័ត៌មាននៃការបញ្ជាទិញ
VII. ការរួមបញ្ចូលគ្នា និងការទិញយក ការផ្លាស់ប្តូរកម្មសិទ្ធិ
នៅក្នុងព្រឹត្តិការណ៍នៃការរួមបញ្ចូលគ្នា ឬការទិញយកដោយក្រុមហ៊ុនមួយផ្សេងទៀត យើងនឹងបង្ហាញព័ត៌មានមានកម្រិតមួយចំនួនដល់ក្រុមហ៊ុននោះ។ មុនពេលបង្ហាញ យើងនឹងធានាថា ក្រុមហ៊ុនដែលទទួលអនុវត្តដើម្បីការពារទិន្នន័យផ្ទាល់ខ្លួនរបស់លោក/លោកស្រីឱ្យស្របនឹងស្តង់ដារប្រៀបធៀបទៅនឹងតម្រូវការក្រោមច្បាប់ក្នុងតំបន់ជាធរមាន និងគោលនយោបាយស្ដីពីឯកជនភាពនេះ ដោយក្រុមហ៊ុនអនុលោមតាមច្បាប់ និងបទប្បញ្ញត្តិការពារទិន្នន័យជាធរមាន។ យើងនឹងព្យាយាមរក្សាទំហំនៃទិន្នន័យដែលបានចែករំលែកជាមួយក្រុមហ៊ុនផ្សេងទៀតឱ្យនៅកម្រិតអប្បបរមាចាំបាច់បំផុតដើម្បីបញ្ចប់ប្រតិបត្តិការ។
ប្រភេទផ្សេងៗនៃទិន្នន័យផ្ទាល់ខ្លួន៖
ទិន្នន័យអំពីការដឹកជញ្ជូន
ទិន្នន័យទីតាំង
ទិន្នន័យប្រូហ្វាល (ទិន្នន័យមេ)
ព័ត៌មានអំពីឧបករណ៍ និងទិន្នន័យចូលប្រើប្រាស់
ទិន្នន័យបញ្ជាទិញ
ទិន្នន័យបម្រើអតិថិជន
ទំនាក់ទំនងទីផ្សារ និងទិន្នន័យទំនាក់ទំនង
ទិន្នន័យការទូទាត់ប្រាក់
ព័ត៌មានបណ្ណបញ្ចុះតម្លៃ
6. បុគ្គលដែលយើងចែករំលែកទិន្នន័យផ្ទាល់ខ្លួនរបស់លោក/លោកស្រីជាមួយ
យើងមិនដែលផ្តល់ទិន្នន័យរបស់លោក/លោកស្រីទៅភាគីទីបីដែលគ្មានការអនុញ្ញាតឡើយ។ ទោះជាយ៉ាងណាក៏ដោយ ដើម្បីដំណើរការអាជីវកម្មរបស់យើងប្រកបដោយប្រសិទ្ធភាព យើងបានទទួលសេវាពីលោក/លោកស្រីផ្តល់សេវាដែលយើងបានជ្រើសយក ហើយអនុញ្ញាតឱ្យពួកគេចូលប្រើប្រាស់ទិន្នន័យរបស់យើងដែលមានកម្រិត និងមានការត្រួតពិនិត្យយ៉ាងតឹងរ៉ឹង ដើម្បីបំពេញគោលបំណង។ មុនពេលយើងបញ្ជូនទិន្នន័យផ្ទាល់ខ្លួនទៅក្រុមហ៊ុនដៃគូទាំងនេះដើម្បីធ្វើដំណើរការជំនួសមុខយើង ក្រុមហ៊ុននីមួយៗត្រូវឆ្លងកាត់ការធ្វើសវនកម្មជាមុន។ អ្នកទទួលទិន្នន័យទាំងអស់ត្រូវតែបំពេញតាមលក្ខខណ្ឌច្បាប់ស្តីពីការការពារទិន្នន័យ ហើយអនុវត្តដើម្បីការពារទិន្នន័យផ្ទាល់ខ្លួនរបស់លោក/លោកស្រីឱ្យស្របតាមស្តង់ដារប្រហាក់ប្រហែលដែលបានកំណត់នៅក្នុងច្បាប់ពាក់ព័ន្ធក្នុងតំបន់ និងច្បាប់ការពារទិន្នន័យពាក់ព័ន្ធផ្សេងទៀត។
ក. ក្រុមហ៊ុន Delivery Hero Group
យើងគឺជាសមាជិកនៃគ្រុបក្រុមហ៊ុនអន្តរជាតិដែលមាននីតិបុគ្គលនៅតាមបណ្ដាប្រទេសជាច្រើន
ជុំវិញពិភពលោក។ ក្រុមហ៊ុនមេរបស់យើងក៏ជាសមាជិកនៃគ្រុបនេះក៏មានផងដែរ គឺក្រុមហ៊ុន Delivery Hero SE ដែលមានទីស្នាក់ការកណ្តាលនៅទីក្រុងប៊ែរឡាំង ប្រទេសអាល្លឺម៉ង់។ យើងអាចចែករំលែកទិន្នន័យផ្ទាល់ខ្លួនរបស់លោក/លោកស្រីជាមួយក្រុមហ៊ុន Delivery Hero SE និងក្រុមហ៊ុនផ្សេងៗទៀតតាមការចាំបាច់ ដើម្បីសម្រេចគោលបំណងដូចមានរៀបរាប់ខាងលើ រួមទាំងការប្រើប្រាស់ធនធានប្រកបដោយប្រសិទ្ធភាព ដោយធានាថាដំណើរការអាជីវកម្មរបស់យើងដំណើរការបានត្រឹមត្រូវ ដើម្បីជួយដល់សំណើសុំជំនួយរបស់អតិថិជន ធ្វើការវាយតម្លៃផ្នែកច្បាប់ ឬអនុវត្តវិធានការសុវត្ថិភាព IT និងសុវត្ថិភាពភ្លែតហ្វម។
ក្រុមហ៊ុន Delivery Hero ត្រូវមានកាតព្វកិច្ចគោរពតាមកិច្ចព្រមព្រៀងផ្ទេរទិន្នន័យក្នុងគ្រុបយ៉ាងតឹងរ៉ឹង ដែលអនុលោមទៅតាមច្បាប់ និងគោលការណ៍នៃដំណើរការទិន្នន័យជាធរមាន ហើយដែលត្រូវអនុវត្តនៅគ្រប់ពេលវេលាដែលទិន្នន័យផ្ទាល់ខ្លួនត្រូវបានចែករំលែកជាមួយក្រុមហ៊ុនពាក់ព័ន្ធ។
ខ. អ្នកផ្តល់សេវា និងអ្នកដំណើរការទិន្នន័យ
យើងប្រើប្រាស់អ្នកផ្តល់សេវា និងឧបករណ៍ដំណើរការទិន្នន័យផ្សេងៗគ្នាសម្រាប់សកម្មភាពដំណើរការប្រចាំថ្ងៃរបស់យើង។ អ្នកផ្តល់សេវា និងអ្នកដំណើរការទិន្នន័យទាំងនេះដំណើរការទិន្នន័យផ្ទាល់ខ្លួនរបស់លោក/លោកស្រីដោយអនុលោមតាមច្បាប់ និងលក្ខខណ្ឌស្ដីពីការការពារទិន្នន័យក្នុងតំបន់ដែលមានជាធរមាន ហើយត្រូវបានអនុញ្ញាតឱ្យដំណើរការទិន្នន័យផ្ទាល់ខ្លួនតែនៅពេលដែលមានការណែនាំរបស់យើងតែប៉ុណ្ណោះ។ អ្នកផ្តល់សេវា និងអ្នកដំណើរការទិន្នន័យរបស់យើងពុំមានការទាមទារណាមួយដើម្បីដំណើរការទិន្នន័យផ្ទាល់ខ្លួនរបស់លោក/លោកស្រីសម្រាប់គោលបំណងផ្ទាល់ខ្លួនឡើយ។ យើងក៏តាមដានប្រព័ន្ធដំណើរការរបស់យើង ហើយសហការតែជាមួយបុគ្គលដែលបំពេញតាមស្តង់ដារការពារទិន្នន័យរបស់យើងប៉ុណ្ណោះ។
លោក/លោកស្រីបានដឹងរួចមកហើយអំពីភាគីមួយចំនួនដែលយើងប្រើប្រាស់ជាអ្នកផ្តល់សេវាខាងលើ ហើយក៏អាចស្វែងរកព័ត៌មានអំពីអ្នកទទួលទិន្នន័យនៅក្នុងខូឃី (Cookies), SDKs និង គោលការណ៍តាមដានតាមគេហទំព័ររបស់យើងផងដែរ។ កម្មវិធីអ្នកប្រើប្រាស់ និងមូលដ្ឋានទិន្នន័យរបស់យើងដំណើរការលើប្រភពក្លោដ (cloud) ដែលផ្តល់ដោយក្រុមហ៊ុនបុត្រសម្ព័ន្ធរបស់សហភាពអឺរ៉ុបរបស់ក្រុមហ៊ុន Google និង Amazon Web Services (AWS) ។ ដោយសារយើងប្រើឧបករណ៍ដំណើរការទិន្នន័យផ្សេងៗគ្នា និងធ្វើការផ្លាស់ប្តូរពីពេលមួយទៅពេលមួយ យើងមិនអាចកំណត់អត្តសញ្ញាណអ្នកទទួលទិន្នន័យផ្ទាល់ខ្លួនទាំងអស់នៅក្នុងគោលនយោបាយស្ដីពីឯកជនភាពនេះឡើយ។ ទោះបីយ៉ាងណា ប្រសិនបើលោក/លោកស្រីចាប់អារម្មណ៍ យើងរីករាយនឹងបង្ហាញឈ្មោះរបស់អ្នកដំណើរការ ដែលកំពុងប្រើប្រាស់នៅពេលនោះទៅតាមការស្នើសុំ។
គ. ភាគីទីបី
ក្រៅពីលោក/លោកស្រីដំណើរការទិន្នន័យ យើងក៏ធ្វើការជាមួយភាគីទីបីផងដែរ ដោយបញ្ជូនទិន្នន័យផ្ទាល់ខ្លួនរបស់លោក/លោកស្រីជូនពួកគេ ប៉ុន្តែពួកគេមិនចាំបាច់អនុវត្តតាមការណែនាំរបស់យើងឡើយ។ ឧទាហរណ៍ ទីប្រឹក្សា មេធាវី ឬអ្នកប្រឹក្សាពន្ធរបស់យើង ដែលទទួលទិន្នន័យរបស់លោក/លោកស្រីពីយើងដោយផ្អែកលើកិច្ចសន្យា ហើយដំណើរការទិន្នន័យផ្ទាល់ខ្លួនរបស់លោក/លោកស្រីសម្រាប់មូលហេតុផ្លូវច្បាប់ ឬដើម្បីការពារផលប្រយោជន៍ផ្ទាល់ខ្លួនរបស់យើង។ យើងនឹងមិនលក់ ឬជួលទិន្នន័យផ្ទាល់ខ្លួនរបស់លោក/លោកស្រីទៅឱ្យភាគីទីបីក្នុងសកម្មភាពណាមួយឡើយ។ ករណីនេះនឹងមិនកើតឡើងដោយគ្មានការយល់ព្រមច្បាស់លាស់ និងជូនដំណឹងដល់លោក/លោកស្រីជាមុនឡើយ។
ឃ. អាជ្ញាធរផ្ដន្ទាទោស តុលាការ និងស្ថាប័នសាធារណៈដទៃទៀត
គួរឱ្យសោកស្ដាយ មានករណីមួយចំនួនអាចនឹងកើតមានឡើងដែលអតិថិជន និងអ្នកផ្តល់សេវាមួយចំនួនរបស់យើង មានឥរិយាបថមិនសមរម្យ និងមានចេតនាធ្វើឱ្យយើងមានការខូចខាត។ ក្នុងករណីទាំងនេះ យើងមិនត្រឹមតែមានកាតព្វកិច្ចប្រគល់ទិន្នន័យផ្ទាល់ខ្លួនទៅឱ្យអាជ្ញាធរសាធារណៈដោយសារកាតព្វកិច្ចផ្លូវច្បាប់តែប៉ុណ្ណោះទេ ប៉ុន្តែថែមទាំងដើម្បីជាប្រយោជន៍ក្នុងការការពារការខូចខាត និងអនុវត្តការទាមទារសំណងរបស់យើង និងបដិសេធការទាមទារដែលមិនសមហេតុផលផងដែរ។
យើងក៏អាចចែករំលែកទិន្នន័យផ្ទាល់ខ្លួនរបស់លោក/លោកស្រីជាមួយភ្នាក់ងារអនុវត្តច្បាប់ រដ្ឋាភិបាល និងស្ថាប័ននិយតកម្ម ដើម្បីបំពេញកាតព្វកិច្ចផ្លូវច្បាប់ ឬបទប្បញ្ញត្តិដែលអាចអនុវត្តបានផងដែរ។
7. រយៈពេលដែលយើងរក្សាទុកទិន្នន័យរបស់លោក/លោកស្រី
ជាទូទៅ ទិន្នន័យរបស់លោក/លោកស្រីនឹងត្រូវលុបចោលបន្ទាប់ពីគោលបំណងនៃការរក្សាទុកត្រូវបានបំពេញរួចរាល់។ ច្បាប់ស្ដីពីការលុបទិន្នន័យ ត្រូវបានកំណត់នៅក្នុងគោលការណ៍សកលរបស់យើង និងជាជំនួយសម្រាប់ការកំណត់រយៈពេលរក្សាទុកនៅក្នុងតំបន់។ ច្បាប់ស្ដីពីការលុបទិន្នន័យផ្សេងទៀត ត្រូវបានអនុវត្តអាស្រ័យលើគោលបំណងនៃដំណើរការ។ នៅក្នុងរបៀបនៃការលុបរបស់យើង យើងបានកំណត់ថ្នាក់ទិន្នន័យផ្សេងៗ ហើយបានកំណត់រយៈពេលរក្សាទុក និងលុបទិន្ន័យច្រើនបំផុត ជាប្រចាំសម្រាប់ទិន្នន័យទាំងនោះ។ នៅពេលផុតរយៈពេលរក្សាទុក ទិន្នន័យដែលបានរក្សាទុកនឹងត្រូវបានលុបស្របទៅតាមគោលការណ៍ទាំងនេះ។ ប្រសិនបើលោក/លោកស្រីមិនបានប្រើគណនីអ្នកប្រើប្រាស់របស់លោក/លោកស្រីនៅលើភ្លែតហ្វមរបស់យើងក្នុងរយៈពេលលើសពី 3 ឆ្នាំ នោះយើងនឹងលុបគណនីរបស់លោក/លោកស្រី ដើម្បីធានាការគោរពទៅតាមដែនកំណត់នៃទំហំផ្ទុក។ មុនពេលធ្វើការលុប អ្នកនឹងទទួលបានការជូនដំណឹងដាច់ដោយឡែកដែលផ្ញើទៅអាសយដ្ឋានអ៊ីមែលដែលបានចុះឈ្មោះសម្រាប់គណនីអ្នកប្រើប្រាស់របស់លោក/លោកស្រី។
ក្រៅពីច្បាប់ស្ដីពីការលុបទិន្នន័យដែលយើងបានកំណត់ដោយខ្លួនឯង នៅមានរយៈពេលរក្សាទុកកំណត់ដោយច្បាប់ផ្សេងទៀតដែលយើងត្រូវគោរពផងដែរ។ សម្រាប់ឯកសារផ្លូវច្បាប់ផ្សេងៗ ដូចជាវិក្កយបត្រ ឬលិខិតពាណិជ្ជកម្ម ច្បាប់ដែលអាចអនុវត្តបានកំណត់រយៈពេលរក្សាទុកអប្បបរមា។ ឧទាហរណ៍ ទិន្នន័យពន្ធត្រូវរក្សាទុក រយៈពេលពីប្រាំមួយទៅដល់ដប់ឆ្នាំ ឬលើសពីនេះ នៅក្នុងករណីមួយចំនួន។ រយៈពេលរក្សាទុកពិសេសទាំងនេះប្រែប្រួលទៅតាមលក្ខខណ្ឌច្បាប់ក្នុងតំបន់។
ជាងនេះទៅទៀត យើងនឹងបន្តរក្សាទុកទិន្នន័យរបស់លោក/លោកស្រី ប្រសិនបើយើងមានសិទ្ធិក្នុងការរក្សាទុកស្របទៅតាមច្បាប់ក្នុងតំបន់ជាធរមាន។ ករណីនេះនឹងអនុវត្តជាពិសេសប្រសិនបើយើងត្រូវការទិន្នន័យផ្ទាល់ខ្លួនរបស់លោក/លោកស្រីសម្រាប់ការបង្កើត ការអនុវត្ត ឬការការពារការតាមផ្លូវច្បាប់ណាមួយ។
8. ទិន្នន័យផ្ទាល់ខ្លួនរបស់បុគ្គលផ្សេងទៀត
ប្រសិនបើលោក/លោកស្រីផ្តល់ឱ្យយើងនូវទិន្នន័យផ្ទាល់ខ្លួនរបស់បុគ្គលផ្សេងទៀតតាមរយៈការប្រើប្រាស់កម្មវិធីរបស់យើង (ឧ. ផ្តល់ឱ្យយើងនូវឈ្មោះមិត្តភក្តិរបស់លោក/លោកស្រី ព័ត៌មាន ទំនាក់ទំនង និងអាសយដ្ឋានលំនៅដ្ឋានសម្រាប់ទទួលទំនិញដែលបានបញ្ជាទិញឱ្យដឹកជញ្ជូនអាហារសម្រាប់មិត្តភក្ដិរបស់លោក/លោកស្រី ឬផ្តល់អាសយដ្ឋានដឹកជញ្ជូនរបស់លោក/លោកស្រីផ្ញើ/អ្នកទទួល និងព័ត៌មានទំនាក់ទំនង តាមរយៈការប្រើប្រាស់ pandasend របស់លោក/លោកស្រី) យើងនឹងសន្មតថាលោក/លោកស្រីទទួលបានការអនុញ្ញាតពី បុគ្គលទាំងនេះឱ្យបង្ហាញទិន្នន័យផ្ទាល់ខ្លួនរបស់ពួកគាត់ ហើយពួកគាត់ បានយល់ព្រមឱ្យយើងធ្វើការប្រមូល ប្រើប្រាស់ និងបង្ហាញទិន្នន័យផ្ទាល់ខ្លួនរបស់ពួកគាត់សម្រាប់គោលបំណងនេះ។
9. សិទ្ធិ កែប្រែ
យើងសូមរក្សាសិទ្ធិក្នុងការផ្លាស់ប្តូរខឹ្លមសារនៃសេចក្ដីជូនដំណឹងអំពីឯកជនភាពនេះ ដើម្បីធានាឱ្យបាននូវការអនុលោមទៅតាមបទប្បញ្ញត្តិច្បាប់ និងច្បាប់ពាក់ព័ន្ធផ្សេងៗ។ យើងនឹងជូនដំណឹងដល់លោក/លោកស្រីអំពីការផ្លាស់ប្តូរសំខាន់ៗ ដូចជាការផ្លាស់ប្តូរគោលបំណង ឬគោលបំណងថ្មីនៃដំណើរការ។
ធ្វើបច្ចុប្បន្នភាពចុងក្រោយនៅខែកក្កដា ឆ្នាំ 2022